KAINGKUALAN 32:11 - Tanou Moonsoi Timugon

¹¹ Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 32:11 Iomraidhean Croise

KASAUKAN 18:27

Indagu poyo i Abragam, “Ampuno' aku sabap kinabaani kuno mararayus indagu Rirun, Tuhan. Aku ti ulun toojo ayuk am kalo maaya' mindagu ra atan-atan pana.

1 RAJA'-RAJA' 8:51

Ilo ulun Muno galama', ondo' inibit Muno miningkual intor ra Misir, intok nilo inimbolo'.

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 8:8

Nampiau raja' ri Musa am i Arun am indagu, “Pakiasi' noyo ra Tuhan maa' raginio pusoon No antit-antit ti, am paugaron ku bansa' min, maa' raginio makapapataak ilo ra taak simbalui ra Tuhan.”

JISAYA 63:17

Kaa' ragino kua polosoo' Mu akai makalayau? Kua polosoo' Mu akai bambalingatan saboi akai kalo malaa' Rirun? Saguli' no ramon, sabap risilo ondo' mangandoi Rirun, am sabap risilo ondo' masalok masauk ra longgom Muno.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

UNTABAN 11:11

Indagu i Musa ra Tuhan, “Kua kalo moonsoi pamakuan Muno raki'? Kua kalo masaga' Kou raki'? Kua taaki' Mu ra pinalansan raki' ngaangai' ulun ti?

UNTABAN 14:13

Kaa' indagu i Musa ra Tuhan, “Iou Tuhan, Okou noyo ondo' nagibit noyo ra ulun ti miningkual intor ra Misir mabaya' ra kuasa' Muno. Paat morongog ru ulun ru Misir ra atan binaal Muno ra ulun Muno,

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 21:7

Ratong ulun ru Israil ri Musa am indagu, “Makatula akai paat akai nambubutok ra Tuhan am okou. Pakiasi' no ra Tuhan maa' raginio kukuo-kukuo ti painggaluron intor ramon.” I Musa pana pakiasi' ra Tuhan ra tayar ru ulun no.

UNTABAN 27:4

Kaa' kua kia inggalan nano natatak intor ra ulun ru Israil sabap ra kolondo' anak ungkuyon ayuk? Anii' akai ra tayar ru tana' mababaya' ra pabukat ru ama' maino.”

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.