KAINGKUALAN 32:10 - Tanou Moonsoi Timugon

¹⁰ Raino pai' Aku ompongo'. Sumangit Aku risilo am masaga' mamuso risilo. Kaa' saukon Tokou am papag muno ra rondo' bansa' ondo' maayo.”

KAINGKUALAN 32:10 Iomraidhean Croise

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

KAINGKUALAN 22:24

Sumangit Aku am mamatoi ramuyun ralalom pangayawan. Mangapuor andu' min am anak min kolondo' ama'.

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 32:19

Pakainggaar i Musa ra nangkiman no am pakakito ra sinungkalalaing ru sapi' intor ra mas no am saliligo' mamagun, am sangit io. Giu' no lonson toojo ru gunung, pinaambang no batu pamatikan ra inibit nano saboi nopopol toojo.

KAINGKUALAN 33:3

Mongoi kau ra tana' ondo' langkaya' am malabung. Kaa' Aku galama' kalo mongoi mabaya' ramuyun, maa' raginio kalo pusoon Takamin ra tanga' ru ralan, sabap ra ulun bambalingatan kau.”

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 14:11

Minindagu Tuhan raki', “Pai' noyo kitaako' Aku mangindangan ra ulun raginio.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 7:16

Indagu Tuhan, “Jirimia, pai' no pakiasi' ra ulun ragitio. Pai' no pampiau makiindangan kapoam makiasi' koson risilo; pai' no pakimasi' Raki', sabap ra marara' Aku rumongog rirun.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

UNTABAN 14:12

Maparatong Aku ra maruol am mamatoi risilo, kaa' mapasauk Aku rirun ra ama' ru rondo' bansa' ondo' maayo poyo am maikang poyo ka ilo!”

UNTABAN 16:21

“Lugut intor ra ngaangai' ulun no; masaga' Aku mamatoi risilo raino niayuk.”

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

SAGULION 9:14

Pai' kinam manginga' Raki'. Makaguang Aku mamuso risilo maa' raginio kolondo' sangulun pana mangkara' boo risilo. Okou pana saukon Ku ra ama' ru rondo' bansa' ondo' maayo poyo am maikang poyo intor risilo.’

SAGULION 9:19

Malaa' Aku ra sangit ru Tuhan, sabap siminangit Io kaga' saboi masaga' mamuso ramuyun, kaa' gitio pana riminongog Tuhan raki'.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.