KAINGKUALAN 32:1 - Tanou Moonsoi Timugon

¹ Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 32:1 Iomraidhean Croise

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

KASAUKAN 21:26

Indagu i Abimilik, “Kalo nakapandai aku ra osoi boo nambaal ni. Kalo poyo nambala' kou raki' am gitio kasaa' ku makaining ra baal raginio.”

KASAUKAN 39:8

Marara' i Jusup am indagu ra ruandu' no, “Ilai', tuan kuno lumingongon kalo manalingapu ra atan ayuk pana ra baloi ti, sabap ra soroi aku ragiti. Pinataak no raki' ngaangai' kandoi nano.

KASAUKAN 44:15

am indagu i Jusup, “Atan kia binaal mini? Kalo kia nakapandai kau ra ulun koson raki' ti mapandai mangilong ra binaal mini mansail ra kapandayan kuno?”

KASAUKAN 44:4

Pakaugar ilo ra kukula' galur intor ra bandar no, indagu i Jusup ra ulipon magalung ra baloi nano, “Ilowo' ulun ra raitii' ni. Masunu' mu ilo, kuati' ilo, ‘Kua balasi' min kaansayan ra kalaatan?

MAZMUR 106:19

Giu' ra Gunung Sinai mambaal ilo ra sinungkalalaing anak ru sapi' mas, am sumamba ra sinungkalalaing raginio.

KAINGKUALAN 13:21

Tampilon ra matawang, soroi Tuhan ra saang nilo ralalom lugu' ru gaun, koson manulu' ra ralan risilo; tampilon ra rondom soroi Io ra saang nilo ralalom lugu' ru apui, koson mangani' ra sinda risilo. Ginio ra makaugar ilo paat ra matawang am molondom.

KAINGKUALAN 14:11

Indagu ilo ri Musa, “Kolondo' kia lobong giu' ra Misir saboi nagibit kau ramon ra tana' kaagisan koson matoi? Ilai' noyo atan ondo' nasauk sabap ra okou nagibit ramon miningkual intor ra Misir!

KAINGKUALAN 16:3

Konilo ri Musa am i Arun, “Moonsoi poyo ru minatoi akai pinatoi ru Tuhan giu' ra Misir. Maa' giu' no ra makaturung akai, am niayuk mangakan ra kual, am kula' pana suang ru akanon gogoton mai. Kaa' nagibit kou ramon mongoi ra tana' kaagisan ti maa' raginio ngaangai' akai matoi ra bitilan.”

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

KAINGKUALAN 24:18

Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 32:22

Taam i Arun, “Pai' sangit raki'. Nakapandai kou ra mapara' kotog ru ulun ragitilo mambaal ra kalaatan.

KAINGKUALAN 32:23

Minindagu ilo raki', ‘Kalo nakapandai takau atan boo nasauk ri Musa, ondo' naningganai ritakau miningkual intor ra Misir. Ginio ra baali' akai rondo' tuhan koson maningganai ramon.’

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

KAINGKUALAN 33:3

Mongoi kau ra tana' ondo' langkaya' am malabung. Kaa' Aku galama' kalo mongoi mabaya' ramuyun, maa' raginio kalo pusoon Takamin ra tanga' ru ralan, sabap ra ulun bambalingatan kau.”

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

GOSIA 12:13

Kinamatuaan takau, i Jakub, nagiru' ayuk kalalaat giu' ra pagun Misopotamia. Giu' no nangandoi io ra ulun bokon koson magagalung ra domba koson mokoowot ra andu'.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

MATIUS 24:43

Karaa' min gitio! Amon ru ampu' ru baloi nakapandai sangulun mantatakou no matong, kalo mombolong io am kalo polosoon no mantatakou no sumubol ra baloi nano.

MATIUS 24:48

Kaa' amon ru ulipon ti ulun malaat, mampaguang io, ‘Mabuoi tuan kuli sumaguli'.’

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 7:40

Indagu ilo ri Arun, ‘Baali' akai ra kukula' sinungkalalaing ondo' pasiguluon takau mugar. Sabap ra i Musa ondo' nagibit ritakau mingkual intor ra Misir, tawa atan boo nasauk riso no!’

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

SAGULION 9:1

“Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.

JOSUA 7:13

Sukal no! Kapasawo' noyo ulun raginio am susubo' ilo tumampos muma' Raki'. Susubo' ilo tumampos muma' Raki' ra susuab no sabap Aku Tuhan am i Aki Kapuuno' ru ulun ru Israil mindagu, ‘Akau ulun ru Israil, soroi ramuyun santayaran ra kuliamos ondo' sotopot no pusoon sumugut ra susuban Kuno. Kalo makapangala kau ra pantula' ra kalo poyo mapatiran min kuliamos-kuliamos raginio.’

2 PITRUS 3:4

Konilo ra, “Bantu' ru Tuhan ra matong Io saguli'. Ati Io? Kalio nai. Kinamatuaan takali namagatoi noyo, kaa' ngaangai' ti mogondo' ayuk koson ra talimpuun i, paat ra tana' ti biningkal!”