KAINGKUALAN 3:7 - Tanou Moonsoi Timugon

⁷ Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 3:7 Iomraidhean Croise

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 18:21

Ginio ra moonsoi mongoi Aku pangimumui ru ngaangai' panguwan ondo' naining Kuno motopot kapoam kalo.”

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 31:12

Kon poyo ru malaikat i, ‘Ilai', ngaangai' kambing gawayan ondo' mampaa' no bibiisan, gumutitikan am tangkakalut. Siningon ku ginio baalo' sabap ra nakito ku noyo ngaangai' ondo' binaal ri Laban no rirun.

KASAUKAN 31:42

Amon ru kalo inalungan aku ri Aki Kapuuno' ru kinamatuaan kuli, i Aki Kapuuno' ri Abragam am i Isak, maaru' paugaron mu aku ra kolondo' atan-atan ibiton. Kaa' nakito ri Aki Kapuuno' kapaganan kuno am kandoi ondo' binaal kuno, am rondom i nanaak Io ra pangakiman Nano.”

2 SAMUIL 22:28

Mamayag Kou ra ulun ondo' minggana' guang, kaa' mampainggana' Kou ra ulun malilimbau.

2 RAJA'-RAJA' 13:4

Kopongo raginio Raja' Jigoagas nakiasi' ra Tuhan, am nakapandai Tuhan ra mapara' kinalaat ru raja' ru Siria nangimbolo' ra ulun ru Israil. Nangiou boo Tuhan ra pakiasian ru Raja' Jigoagas.

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

NIGIMIA 9:9

“Nakakito Kou ra kinamatuaan mai naimbolo' giu' ra Misir; Nokorongog Kou ra piau nilo makiindangan giu' ra Raat Galaga.

MAZMUR 106:44

Kaa' Tuhan mangkirongog ra pampiawan nilono, am magilong ra kapaganan nilono.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 142:3

Ngaangai' pakimasian kuno paraguon ku Riso; pabalaan ku ngaangai' kapaganan kuno Riso.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 34:4

Baya' kau raki' mapatulai ra Tuhan, ibok am omporo' takau inggalan Nano.

MAZMUR 34:6

Ulun ondo' inimpayan magilong Riso am maansukan; kalo igogondo' pana mangkaus guang nilo.

MAZMUR 35:22

Kaa' Okou, iou Tuhan, nakapandai ra baal ragitio. Sabap raginio, pai' nokon pongkoror, pai' no inggalur!

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

KAINGKUALAN 1:11

Ginio ra pangalap ulun ru Misir ra kukula' ngaulun tingganai ru ulipon koson mangimbolo' ra ulun ru Israil ra kandoi maagat. Jajalin ulun ru Israil mambaal ra bandar Pitom am Ramsis ondo' saukon ra pusor pambulian ra kuliamos tayar ru raja' ru Misir.

KAINGKUALAN 1:8

Kopongo raginio sangulun raja' nakabagu ondo' kalo makaulig ri Jusup timinalimpuun mamarinta ra pagun ru Misir.

KAINGKUALAN 22:23

Amon ru malaat kau risilo, Aku, Tuhan mangiou ra kitaakon nilo paat ra ilo makiindangan Raki'.

KAINGKUALAN 33:13

Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

KAINGKUALAN 5:10

Tingganai ru ulipon ra bansa' ru Misir am mandur ra bansa' ru Israil miningkual am indagu ra ulun ru Israil, “Nanusub raja' ra kalo boo aniin kau ra rami.

KAINGKUALAN 5:6

Paat ra orou raginio niayuk nanusub raja' ru Misir ra tingganai ru ulipon ra bansa' ru Misir am mandur ra bansa' ru Israil. Kon ru raja' no,

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

RINALATAN 7:34

Nakatutun Aku noyo toojo ra kaimbalaan am kapaganan ru bansa' Kuno giu' ra Misir. Niayuk nakaining Aku ra ilo naguros. Ginio ra raino masaga' Aku mongoi pampalabus risilo. Ibok no! Poongoyon tokou ra pagun ru Misir.’

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”