KAINGKUALAN 3:4 - Tanou Moonsoi Timugon

⁴ Paat ra nakito ru Tuhan ra minggaar i Musa, pampiau Io riso intor ra tanga' ru bulungkut no, “Musa! Musa!” Taam i Musa, “Iou, giti aku.”

KAINGKUALAN 3:4 Iomraidhean Croise

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 28:16

Karat boo i Jakub am indagu, “Soroi Tuhan ragiti! Soroi Io ragiti am kalo nakapandai aku!”

KASAUKAN 46:2

Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

MAZMUR 62:11

Pai' lansani' ampos ru mangimbolo'; pai' pangimansan ra kandoi mantakou ayuk, kabalu' pana kinalangkayaan mino rumuang, pai' lansani' ginio.

KAINGKUALAN 19:3

Nagaloi i Musa rasawat ru gunung mongoi tuum ri Aki Kapuuno'. Pampiau Tuhan ri Musa intor ra gunung no am nanusub riso mambala' ra ulun ru Israil, papag ri Jakub,

KAINGKUALAN 3:2

Giu' no minintalang malaikat ru Tuhan ri Musa ralalom ru apui ondo' manimbula' ra tatanga' ru bulungkut. Nakito no bulungkut ti manimbula', kaa' kalo nosolob.

KAINGKUALAN 33:12

Indagu i Musa ra Tuhan, “Topot ra nanusub Kou raki' maningganai ra ulun ragitilo mongoi ra tana' ondo' binantu' Muno, kaa' kalo nambala' Kou raki' ra osoi susubon Muno maya' raki'. Minindagu Kou ra makaulig Kou raki' ra matanda' am niayuk maansayan raki'.

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

IMAMAT 1:1

Intor ralalom ru Kim ru Tuhan, pampiau Tuhan ri Musa am pangani' riso ra aturan.

RINALATAN 10:13

Mokoondo' poyo bolos naining no ondo' minindagu, “Pitrus, sukal no! Panimbalui am akano'!”

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

SAGULION 33:16

Gama' ru mapanu' tana' nilo ra ngaangai' ondo' moonsoi, tana' ondo' barakaton ra kinoonsoi ru Tuhan, Io ondo' igondo' minindagu intor ra bulungkut ondo' bibilak. Gama' ru barakat-barakat ragitio pasasaron ra papag ri Jusup, sabap ra io tingganai ra gino ngai' ru pongkotob nano.

1 SAMUIL 3:10

Kopongo raginio ratong Tuhan am bigor ra intok raginio am niayuk nampiau poyo riso, “Samuil! Samuil!” Taam i Samuil, “Indagu no, iou Tuhan. Rumongog ulipon Mutu.”

1 SAMUIL 3:4

pampiau Tuhan ri Samuil. Taam i Samuil, “Iou tuan!”

1 SAMUIL 3:6

Kopongo raginio pampiau poyo Tuhan no ri Samuil. Kalo nakapandai i Samuil ra ondo' nampiau no Tuhan, sabap ra kalo igondo' indagu Tuhan no riso. Ginio ra sukal io am ongoi ri Ili, am indagu, “Tuan nampiau kou raki', am ratong aku boo.” Kaa' taam i Ili, “Kalo nampiau aku rirun. Ongoi no koolong.”

1 SAMUIL 3:8

Nampiau Tuhan no ri Samuil ra kaintalu, am sukal i Samuil am ongoi ri Ili. Indagu io, “Tuan nampiau kou raki', am ratong aku boo.” Kopongo raginio nakaliman i Ili ra Tuhan ondo' nampiau ra anak no.