KAINGKUALAN 3:22 - Tanou Moonsoi Timugon

²² Moonong ruandu' ru Israil makitaak ra bayang, am niayuk kuliamos mas am pirok intor ra pasambalayan nano ulun ru Misir am intor ra ruandu' ru Misir ondo' minayan ra pasambalayan nano. Papakayin min ginio ra anak-anak min. Ginio noyo ralan min mampagaau ra rapu' ru ulun ru Misir.”

KAINGKUALAN 3:22 Iomraidhean Croise

KASAUKAN 15:14

Kaa' ukumin Ku mamagun ondo' mangulipon risilo, am paat ilo mangiruan ra pagun raginio, magibit ilo ra masuang kaga' kuliamos.

KASAUKAN 24:53

Paingkualo' no boo bayang, limpor ru mas am pirok. Pataako' no ngaangai' ri Ribika. Nangani' io niayuk ra taak ondo' mongologo ra maayo ungkuyon am ina' ri Ribika.

MAZMUR 105:37

Kopongo ragili tiningganai No ulun ru Israil miningkual; inibit nilo pirok am mas, ilo ngaangai' maikang am maligag.

KAINGKUALAN 11:2

Ginio ra indagu no ra ngaangai' ulun ru Israil; susubo' noyo ilo ngaangai' makitaak ra kuliamos limpor mas am pirok intor ra sambalayan nilo.”

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

YEHEZKIEL 39:10

Ginio ra ilo kalo pana manimung ra luton giu' ra umo kapoam mantagar ra puun tataun giu' ra kataunan, sabap ra naukapan ilo ra luton intor ra kuliamos malarom ondo' tinatang no. Tinalingaau nilo am ginaau rapu' ru ulun ondo' ragili nanalingaau am niayuk nampagaau ra rapu' nilo.” Tuhan Raja' nakaindagu noyo.