KAINGKUALAN 3:21 - Tanou Moonsoi Timugon

²¹ Mangkinibit Aku ra ulun ru Misir mangurumat ramuyun maa' raginio paat ra akau, ulun Kuno mangiruan ra intok raginio, kalo mugar kau ra kolondo' unu'.

KAINGKUALAN 3:21 Iomraidhean Croise

KASAUKAN 15:14

Kaa' ukumin Ku mamagun ondo' mangulipon risilo, am paat ilo mangiruan ra pagun raginio, magibit ilo ra masuang kaga' kuliamos.

KASAUKAN 39:21

Kaa' nagalung am nambarakat Tuhan no ri Jusup saboi tingganai magagalung ra pangaputan no maansayan ri Jusup.

1 RAJA'-RAJA' 8:50

Ampuno' noyo ngaangai' tula am guor nilo Rirun, am baalo' pantula' nilono makaasi' risilo.

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

MAZMUR 105:37

Kopongo ragili tiningganai No ulun ru Israil miningkual; inibit nilo pirok am mas, ilo ngaangai' maikang am maligag.

MAZMUR 106:46

Mangkinibit Io ra ngaangai' ru ulun ondo' mangimbolo' risilo no makaasi' risilo.

KAINGKUALAN 11:2

Ginio ra indagu no ra ngaangai' ulun ru Israil; susubo' noyo ilo ngaangai' makitaak ra kuliamos limpor mas am pirok intor ra sambalayan nilo.”

KAINGKUALAN 11:3

Nangkinibit Tuhan ra ulun ru Misir mangurumat ra ulun ru Israil. Pagawai am mamagun ru Misir mangurumat kaga' ri Musa.

KAINGKUALAN 12:35

Nambaal ulun ru Israil ra atan ondo' nanusuban ri Musa. Nakitaak ilo ra kuliamos limpor ondo' binaal intor ra mas am pirok, am niayuk konoon intor ra ulun ru Misir.

KAINGKUALAN 12:36

Nangkinibit Tuhan ra ulun ru Misir mangurumat ra ulun ru Israil saboi nangani' ulun ru Misir ra ngaangai' kitaak ru ulun ru Israil. Am koon raginio noyo nampagaau ulun ru Israil ra kalangkayaan ru ulun ru Misir.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

SAGULION 15:13

Paat ra akau mapalabus riso, pai' io polosoo' mugar ra kolondo' ibiton.