KAINGKUALAN 3:19 - Tanou Moonsoi Timugon

¹⁹ Nakapandai Aku ra raja' ru Misir kalo mapaugar ramuyun, ondo' ayuk am ru jajalin io mambaal raginio.

KAINGKUALAN 3:19 Iomraidhean Croise

KAINGKUALAN 10:20

Kaa' nangkinibit Tuhan no ra raja' nagulayun bambalingatan, am kalo mapaugar raja' no ra ulun ru Israil.

KAINGKUALAN 11:10

Nambaal i Musa am i Arun ra ngaangai' kaimuagan ra saang ru raja', kaa' nangkinibit Tuhan ra bambalingatan raja' no, saboi kalo mangiou raja' ra ulun ru Israil mangiruan ra pagun nano.

KAINGKUALAN 11:9

Indagu Tuhan ri Musa, “Kalo mangining raja' no ra ragu muno, maa' raginio mabaal Ku masuang poyo kaimuagan no ra pagun ru Misir.”

KAINGKUALAN 13:15

Paat bambalingatan raja' ru Misir am manginga' ritakau mugar, namatoi Tuhan ra moonong anak ungkuyon katuaan am moonong anak ungkuyon katuaan bibiag tinambiag giu' ra Misir. Ginio sabap ra mapataak takau ra moonong anak ungkuyon katuaan bibiag tinambiag koson taak simbalui ra Tuhan, kaa' pulion takau anak ungkuyon katuaan takau.

KAINGKUALAN 4:21

Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

KAINGKUALAN 8:28

Indagu raja', “Mapaugar aku ramuyun mongoi ra tana' kaagisan koson mapataak ra taak simbalui ra Tuhan i Aki Kapuuno' min, ru kalo mongoi kau ra maalur kaga'. Pakiasi' noyo raki'.”

KAINGKUALAN 9:35

Mogondo' ra rinagu ru Tuhan ondo' pinabala' galing ri Musa, kalo mapaugar raja' ra ulun ru Israil.

KAINGKUALAN 9:7

Nangkuot raja' ra atan ondo' nasauk, am binalaan raja' ra bibiag tinambiag ru ulun ru Israil kolondo' sanginan pana minatoi. Kaa' lakat poyo bambalingatan am marara' raja' mapaugar ra ulun ru Israil.