KAINGKUALAN 3:18 - Tanou Moonsoi Timugon

¹⁸ Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 3:18 Iomraidhean Croise

KASAUKAN 12:1

Indagu Tuhan ri Abram, “Iruani' noyo pagun muno, matuo muno, pabukat muno am ongoi no ra pagun ondo' pataakon Kuno rirun.

KASAUKAN 14:13

Kaa' sangulun ondo' nakapagiru' am minongoi pambala' ra ngaangai' no ri Abram, ulun ru Ibrani no. Minayan i Abram maar ra puun-puun matulai, longgom ri Mamri ulun ru Amori. I Mamri am pabukat-pabukat ungkuyon nano, i Iskol am i Anir rangan pagamung ri Abram.

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 17:5

Indagu Tuhan ri Musa, “Piawo' kukula' ngaulun tingganai ulun ru Israil am baya' risilo mugar sumigulu ra ulun raginilo. Ibito' niayuk jujuga' ondo' pinalamba' muno ra Sungoi Nil.

KAINGKUALAN 19:1

Iruani' boo ru ulun ru Israil Rapidim. Paat ra orou kasaa' sila' katalu ra ilo nakaingkual intor ra Misir, nakasaboi ilo ra tana' kaagisan Sinai. Nangkim ilo ra giu' no, lonson toojo ru Gunung Sinai.

KAINGKUALAN 25:22

Tumuum Aku rirun ra giu' no. Intor ra rasawat ru panaub no, lolot ru ruo kirub no, mangani' Aku rirun ra ngaangai' ukum Kuno tayar ru ulun ru Israil.”

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 3:16

Ongoi noyo am timungo' tingganai-tingganai ru ulun ru Israil no am balai' ilo ra Aku, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub minintalang noyo rirun. Balai' ilo ra minatong Aku noyo risilo am nakakito noyo ra atan binaal ru ulun ru Misir risilo.

KAINGKUALAN 30:36

Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 30:6

Pabantaan altar ti ra liwar ru tabir ondo' patairon ra saang ru Kaban Nabantuan, intok Kuno tumuum rirun.

KAINGKUALAN 4:1

Indagu boo i Musa ra Tuhan, “Ati kulaan boo amon ulun ru Israil kalo mangintopot raki' am marara' mampalio ra ragu-ragu kuno? Atan kia baalon kuno amon ru mindagu ilo ra Okou kalo minintalang raki'?”

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 4:24

Giu' ra rondo' intok nangkiman, giu' ra tatanga' pangkiralanan mongoi ra Misir, ratong Tuhan ri Musa am kuminam mamatoi riso.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

KAINGKUALAN 5:3

Indagu i Musa am i Arun, “Minintalang noyo i Aki Kapuuno' ru ulun ru Ibrani no ramon. Iowo' akai noyo mongoi ra tana' kaagisan, ra galur talu ngoorou pangkiralanan mapataak ra taak simbalui ra Tuhan i Aki Kapuuno' mai ngai'. Amon ru kalo mambaal ragitio, mamatoi Io ramon ngaangai' ra maruol kapoam pangayawan.”

KAINGKUALAN 7:16

Ragui' raja' no, ‘Tuhan i Aki Kapuuno' ru ulun ru Ibrani nanusub raki' koson mapasaboi ra bala' Nano rirun raja' maa' raginio mangiou kou ra ulun Nano mongoi sambayang Riso giu' ra tana' kaagisan. Kaa' saboi raino, okou raja' lakat poyo marara' mangining ra bala' no.

KAINGKUALAN 8:1

Indagu boo Tuhan ri Musa, “Ongoi tuum ra raja' am balai' io ra ragu ru Tuhan, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 8:20

Indagu Tuhan ri Musa, “Ongoi noyo tuum ra raja' rumondom ra susuab no paat ra io mongoi ra sungoi. Balai' io ra indagu Tuhan, ‘Paugaro' noyo ulun Kuno mongoi sambayang Raki'.

KAINGKUALAN 8:23

Pansalaan Ku popolos ru ulun Kuno am mamagun muno. Kaimuagan ti masauk ra orou susuab no.’ ”

KAINGKUALAN 9:1

Indagu Tuhan ri Musa, “Ongoi noyo tuum ra raja' am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 9:13

Indagu boo Tuhan ri Musa, “Ongoi noyo tuum ra raja' rumondom ra susuab no, am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 2:6

Kalo mampalio ilo Raki', kabalu' pana binayag Ku ilo intor ra Misir am naningganai risilo nansail ra tana' kaagisan: tana' kolondo' tutuu' am bulur ru agis, tana' mapua' am makalalaa', tana' kolondo' ulun namagun am kolondo' ulun mansail.

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

UNTABAN 17:4

Ibito' jujuga'-jujuga' no giu' ra ralalom Kim Kuno, am pabantaa' ngaangai' no giu' ra saang ru Kaban Nabantuan, intok Kuno muma' ramuyun.

JOSUA 1:17

Gumagaya' akai rirun koson ra akai magail giminagaya' ri Musa. Gama' ru Tuhan i Aki Kapuuno' muno mabaya' rirun koson Io nabaya' ri Musa!