KAINGKUALAN 3:15 - Tanou Moonsoi Timugon

¹⁵ Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

KAINGKUALAN 3:15 Iomraidhean Croise

KASAUKAN 24:12

Pakiasi' io, “Tuhan i Aki Kapuuno' ru tuan kuno i Abragam, indangano' aku maa' ra indangan Muno makaampos baalon kuno orou raiti' am guuto' toojo bantu' Muno ra tuan kuno.

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

1 TUNUNG RU BANSA' ISRAIL 29:18

Iou Tuhan i Aki Kapuuno', ondo' sambaan ri Abragam, i Isak am i Jakub, kinamatuaan maili, gama' ru alungin Mu ulun Muno maa' raginio rumayus motogom Rirun koson ra raino ti, am indangano' ilo maa' raginio gumagaya' ilo Rirun ra sabubuoi no.

2 TUNUNG RU BANSA' ISRAIL 28:9

Sangulun nabi ru Tuhan ininggalanan ri Odid minayan giu' ra bandar Samaria. Nakauma' io ra saujor ru Israil ondo' siminaguli' nagibit ra ulun rinakop intor ra Jiuda. Paat ra saujor-saujor sumubol ra bandar, kon ri Odid risilo, “Tuhan, i Aki Kapuuno' ru kinamatuaan min, siminangit ra mamagun ru Jiuda. Ginio boo ra nompoloso io ramuyun nangala risilo. Kaa' nokorongog Io noyo ra mapara' laat min namatoi risilo.

MAZMUR 102:12

Kaayagan kuno mansail koson ra babara' bulintok mamai'; lumonot aku koson ra sakot napua'.

MAZMUR 102:13

Kaa' Okou, iou Tuhan, raja' ra sabuoi-buoi no; ngaangai' ru papag mangkara' Rirun.

MAZMUR 135:13

Iou Tuhan, inaru' Kou noyo koson ra i Aki Kapuuno'; ngaangai' papag mangkara' Rirun.

MAZMUR 30:4

Mansawai Kou raki' mongoi ra kapatayan, am napalabus raki' intor ra intokon ru ngaangai' ulun ondo' namagatoi.

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 15:3

Tuhan noyo mapanggol tumula', Tuhan noyo inggalan Nano.

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 4:1

Indagu boo i Musa ra Tuhan, “Ati kulaan boo amon ulun ru Israil kalo mangintopot raki' am marara' mampalio ra ragu-ragu kuno? Atan kia baalon kuno amon ru mindagu ilo ra Okou kalo minintalang raki'?”

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

KAINGKUALAN 6:2

Indagu i Aki Kapuuno' ri Musa, “Aku noyo Tuhan.

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 33:2

Tuhan, ondo' namingkal ra tana' ti am inangun toojo am niayuk pinaatang ra intok no, minindagu raki'. Io ondo' ininggalanan ra Tuhan minindagu,

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

GOSIA 12:5

Nagabu' i Jakub ra malaikat am namanang. Nantangi' i Jakub ra nakibarakat, am minatong i Aki Kapuuno' riso giu' ra Bitil am minindagu riso.

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 7:32

‘Aku ti i Aki Kapuuno' ondo' sambaan ru kinamatuaan muli, i Abragam, Isak am i Jakub.’ Ginio ra nonontol i Musa am kalo boo makakau' magilong.

SAGULION 1:11

Gama' ru Tuhan i Aki Kapuuno' ru kinamatuaan min, namparuang ra suang mino saboi saribu ruli' no, am napasauk ramuyun langkaya' koson ra binantu' Nali!

SAGULION 1:35

‘Kolondo' sangulun pana ramuyun intor ra sukor ra mangalaat ti mokoongoi ra tana' ondo' malabung no, ondo' binantu' Ku noyo koson pataakon ra kinamatuaan min.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.