KAINGKUALAN 3:13 - Tanou Moonsoi Timugon

¹³ Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 3:13 Iomraidhean Croise

KASAUKAN 32:29

Indagu i Jakub, “Balai' aku ra inggalan muno.” Kaa' taam ulun no, “Kalo pana makapandai kou ra inggalan kuno.” Barakato' no boo i Jakub.

KAINGKUALAN 15:3

Tuhan noyo mapanggol tumula', Tuhan noyo inggalan Nano.

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 3:14

Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

KAINGKUALAN 7:16

Ragui' raja' no, ‘Tuhan i Aki Kapuuno' ru ulun ru Ibrani nanusub raki' koson mapasaboi ra bala' Nano rirun raja' maa' raginio mangiou kou ra ulun Nano mongoi sambayang Riso giu' ra tana' kaagisan. Kaa' saboi raino, okou raja' lakat poyo marara' mangining ra bala' no.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 52:6

Ginio sabap ra akau mangiou ra Aku i Aki Kapuuno', am bulintok raginio makapandai kau ra Aku noyo minindagu ramuyun.”

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

TINGGANAI RU BANSA' 13:17

Kon ri Manoa, “Osoi kia inggalan muno, maa' raginio makapangurumat akai rirun paat ra masauk baal ondo' rinagu muno.”

TINGGANAI RU BANSA' 13:6

Ruandu' no pana minongoi ra ralaki nano am indagu, “Sangulun sinusub ri Aki Kapuuno' minatong raki'. Baal nano koson ra malaikat ri Aki Kapuuno' saboi nalaa' aku. Kalo nangkuot aku ati intor nano, am io pana kalo nambala' ra inggalan nano.