KAINGKUALAN 3:12 - Tanou Moonsoi Timugon

¹² Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 3:12 Iomraidhean Croise

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 15:8

Kaa' pangkuot i Abram, “Iou Tuhan Raja', ati kulaan ku mapandayan ra tana' no aku tatangan?”

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 31:3

Indagu boo Tuhan ri Jakub, “Ruli' noyo ra pagun ru ama' muli am ra pabukat-pabukat muli. Alungin Tokou.”

2 RAJA'-RAJA' 19:29

Kopongo raginio nangator i Jisaya ra pinson ragitio ra Raja' Gijkia, “Baal ragitio masauk ra rondo' tatandu' rirun: Paat bilor ragitio am bilor ra matong no, mangakan kou ra gandum ondo' tonomon galama'. Kaa' paat ra bilor ra sumunu' no, pantanom no ra gandum am anggur, am sumia' ra ampos no.

1 TUNUNG RU BANSA' ISRAIL 9:20

I Pinigas anak ungkuyon ri Iliajar nakaili' naningganai risilo. Gama' ru Tuhan mabaya' riso!

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

KAINGKUALAN 18:5

Nababaya' i Jitro ra andu' ri Musa am anak ungkuyon ri Musa minongoi ra tana' kaagisan, intok ri Musa nangkim maar ra gunung matulai.

KAINGKUALAN 3:1

Paat ragili nagalung i Musa ra domba am kambing ri Jitro iwan nano, imam giu' ra pagun ru Midian. Paat ra io magibit ra bibiag tinambiag no sumandaup ru tana' kaagisan, nakasaboi io ra Gunung Sinai, gunung ra matulai.

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 33:14

Indagu Tuhan, “Maya' Aku rirun, am aniin Tokou ra kaluagan ru pangkaraan.”

KAINGKUALAN 4:12

Raino, ongoi noyo. Indanganon Tokou mindagu am mambala' rirun ra atan musiti' raguon muno.”

KAINGKUALAN 4:15

Makapansunur kou riso, am mambala' riso atan ondo' musiti' raguon nano. Indanganon Ku akau ruo am mambala' ramuyun atan ondo' musiti' raguon am baalon.

KAINGKUALAN 8:27

Musiti' akai mongoi ra tana' kaagisan galur no talu ngoorou pangkiralanan koson mapataak ra taak simbalui ra Tuhan i Aki Kapuuno' mai, koson ra nanusuban Nali.”

JISAYA 37:30

Kopongo raginio i Jisaya napaibit ra bilin no ra Raja' Gijkia, “Baal ragitio masauk ra tatandu' rirun raja': Bilor ragitio am bilor ra sumunu' mangakan kou ra gandum ondo' giminatak ayuk tuu'. Kaa' bilor ra sumunu' no, pantanom no ra gandum am anggur, am undasai' noyo ampos no.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

UNTABAN 16:28

Indagu i Musa ra ngaangai' ulun ra giu' no, “Gitio noyo ralan min makapandai ra Tuhan ondo' nanusub raki' mambaal ra ngaangai' baal ragitio, am ra kalo nambaal aku raginio sumugut ra kasaga' kuno galama'.

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

RINALATAN 11:21

Kuasa' ru Tuhan mabaya' risilo saboi masuang ulun nangintopot am minaya' ra Tuhan.

RINALATAN 7:7

Kaa' ukumin Ku bansa' ondo' mangulipon risilo am makaingkual ilo intor ra pagun no am makasamba ilo raki' ra intok ragitio.’

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

TINGGANAI RU BANSA' 6:12

Minintalang malaikat ru Tuhan ri Gidion ra giu' no am indagu, “Tuhan mabaya' rirun, okou buayoi mapanggol am baani!”

TINGGANAI RU BANSA' 6:16

Indagu Tuhan riso, “Mangindangan Aku rirun, sabap raginio maaru' makasugut kou. Kalaan mu ulun ru Midian ra ilain koson nantaluma' kou ra sangulun ayuk.”

TINGGANAI RU BANSA' 6:17

Indagu i Gidion, “Amon ru totopot iniou aku ru Tuhan, anii' aku ra inono' ra Tuhan ondo' nanaak raki' ra susuban ti.

TINGGANAI RU BANSA' 6:21

Malaikat ru Tuhan pana nampatutui ra tataun ondo' ginuut nano, am pinakambong pompor ru tataun no ra kual am ruti' no. Napaangan batu no am nangumpo ra kual am ruti' no. Kopongo raginio liot ru malaikat no intor ra pagilangan.

TINGGANAI RU BANSA' 7:11

Giu' no morongog mu atan ondo' tatanga' raguon ru pantula', am baani kou mamulunsar risilo.” Ginio ra minongoi i Gidion am ulipon nano i Pura giu' ra igig ru nangkiman ru pantula'.

1 SAMUIL 14:10

Kaa' amon ru manusub ilo rito mongoi risilo, mongoi to ra giu' no, sabap ginio noyo tatandu' no ra pataakon ilo ru Tuhan no rito.”