KAINGKUALAN 27:21 - Tanou Moonsoi Timugon

²¹ Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 27:21 Iomraidhean Croise

KASAUKAN 1:5

Inggalani' No sinda no “matawang” am molondom no “rondom”. Kopongo molondom, masauk boo susuab. Ginio noyo orou ondo' kasaa'.

KASAUKAN 1:8

Inggalani' No pambakuran no “limbowon”. Kopongo molondom, masauk boo susuab. Ginio noyo orou ondo' karuo.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

MAZMUR 134:1

Rimbai ru ratangan. Ibok, omporo' noyo Tuhan, akau ngaangai' ulipon ru Tuhan, ondo' mangandoi ra Baloi Nano bulintok molondom.

KAINGKUALAN 12:14

Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 16:34

Pabantaa' ri Arun rarapu' no ra saang ru Kaban Nabantuan ra buliin, sumugut ra susuban ru Tuhan ri Musa.

KAINGKUALAN 25:16

Musiti' min pabantaan boo karuo-ruo batu pamatikan ondo' pataakon Kuno ramuyun ralalom ru Kaban; batu raginilo makatinulisan ra susuban no.

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

KAINGKUALAN 29:42

Koson ra mantilayun, taak simbalui koson mapabansuk ra guang Kuno musiti' pataakon ra saang Kuno giu' ra kulobon ru Kim Kuno. Giu' no tumuum Aku ra ulun Kuno am mindagu rirun.

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

KAINGKUALAN 30:21

Musiti' ilo mambagu' ra kalindu' am kalayam maa' raginio kalo matoi ilo. Aturan ragitio musiti' gagayaan nilo am papag nilo ra sabuoi-buoi no.”

KAINGKUALAN 30:36

Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 30:8

Musiti' no baalon ondo' mogondo' paat ra io mansikit ra lampung no tampilon ra mai' ti. Musiti' taak kaminyan no rayuson baalo' ra sabuoi-buoi no.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

IMAMAT 16:34

Aturan ragitilo musiti' gagayaan ra sabuoi-buoi no. Musiti' baalon upacara ragitio igondo' sambilor koson mapapasau ra ulun ru Israil intor ra ngaangai' tula nilo. Ginio ra, baalon ngaangai' no koson ra nanusuban ru Tuhan ri Musa.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

IMAMAT 23:14

Pai' min akano' barli baguon no, ondo' makata', ondo' sininggala', kapoam sinauk ra ruti', ra kalo poyo mapataak kau ri Aki Kapuuno' ra barli baguon no. Aturan ti musiti' gagayaan ru ngaangai' papag mino ra sabuoi-buoi no.

IMAMAT 23:21

Paat ra orou raginio pai' baalo' kandoi moonong orou, kaa' timung no ra sumambayang. Musiti' aturan ti gagayaan ru papag mino ra sabubuoi no, ra ati ayuk inayanan nilono.

IMAMAT 24:2

maa' raginio mapasaboi ra susuban ragitilo ra ulun ru Israil: Pagibit no ra umau jaitun ra kopoyo ondo' moonsoi kaga' tayar ru lampung giu' ralalom Kim ru Tuhan, maa' raginio masikitan lampung no am marayus mapaang.

IMAMAT 24:3

Moonong rondom musiti' i Arun mansikit ra lampung no am polosoon ginio mapaang saboi ra susuab ti. Musiti' lampung no pabantaan giu' ra saang ru Tuhan, giu' ra liwar ru tabir ondo' giu' ra saang ru Kaban Nabantuan giu' ra Lamin Matulai Kaga'. Musiti' susuban ragitio gagayaan ra sabubuoi no.

IMAMAT 24:9

Ruti' no tayar ri Arun am papag nano. Musiti' nilo akanon ruti' no giu' ra intok mapasau, sabap ra ruti' no tayar ondo' mapasau kaga' intor ra taak akanon ondo' pataakon ra Tuhan ra tayar ru imam-imam.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 3:8

Musiti' io mapabanta' ra kalindu' nano ra rasawat ru ulu ru domba no am simbaluyon boo ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 6:15

Musiti' imam no mangalap ra sogonggom tapung mabaya' ra umau, am ngaangai' kaminyan no, am solobon boo ngaangai' no ra rasawat ru altar koson tatandu' ra ngaangai' no pinataak noyo ra Tuhan. Owou ru taak simbalui no mapabansuk ra guang ru Tuhan.

IMAMAT 7:36

Paat ra orou raginio manusub Tuhan ra ulun ru Israil maa' raginio manaak ra tayar ragitio ra imam-imam. Gitio noyo aturan ondo' musiti' gagayaan ru ulun ru Israil ra sabuoi-buoi no.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

UNTABAN 18:23

Tumalimpuun raino, ulun ru Liwi ayuk ondo' manalingapu ra Kim Kuno am pinalansan toojo ngaangai' kandoi raginio. Aturan ragitio masauk niayuk tayar ru papag mino saboi ra sabuoi-buoi no. Ulun ru Liwi kalo makapanungkus ra tana' giu' ra Israil

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 19:21

Musiti' kau gumagaya' ra aturan ragitio ra sabuoi-buoi no. Ulun ondo' mapatakis ra timug tayar ru upacara pamasawan no musiti' mampupu' ra bayang nano. Osoi ondo' nangambong ra timug tayar ru upacara pamasawan no masauk ra majamol saboi tumolop mato ru orou.

UNTABAN 35:29

Aturan-aturan ragitio masauk ramuyun am papag mino ra ati ayuk intok mino.

UNTABAN 8:9

Timungo' boo ngaangai' ulun ru Israil am susubon ulun ru Liwi migor ra saang ru Kim Kuno.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

1 SAMUIL 3:3

Paat raginio i Samuil nombolong giu' ra ralalom baloi ru Tuhan, intok napabantaan ra Kaban Nabantuan ri Aki Kapuuno'. Ra kalo poyo tumawang, paat lampung ra rasawat ru altar lakat poyo mapaang,

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.