KAINGKUALAN 27:16 - Tanou Moonsoi Timugon

¹⁶ Kulobon subalan no, musiti' tabirin ra gawar no 9 ngamito; tabir no musiti' baalon intor ra konoon molomos ondo' binaal intor ra bulu makabatik motomou, matanggilung am malia' am niayuk bungain ra sulaman. Tabir ru kulobon no musiti' antulanin ra apat ngantaun lugu' ra apat antulan.

KAINGKUALAN 27:16 Iomraidhean Croise

MAZMUR 45:14

Mumpos anak ralaa ru raja' ra mantalur kaga', bayang nano binaal intor ra gantian mas.

KAINGKUALAN 26:31

“Baalo' ra tabir maawar intor ra konoon linon molomos ondo' binaal ra konoon bulu makabatik motomou, matanggilung am malia'. Sulamo' tabir no ra gambar ru kirub.

KAINGKUALAN 26:36

“Kulobon umpasan ra ralalom, pambaal ra tabir intor ra konoon linon molomos ondo' binaal intor ra konoon bulu makabatik motomou, matanggilung am malia' ondo' binungaan ra sulaman.

KAINGKUALAN 27:17

Ngaangai' insor musiti' patunggulon ra rondo' am bokon ra sangutan pirok, kaitan-kaitan no musiti' baalon intor ra pirok am antulan no intor ra gangsa'.

KAINGKUALAN 28:39

“Bayang maawar ri Arun no musiti' baalon intor ra konoon linon molomos. Pambaal niayuk ra serban intor ra konoon linon molomos am abot ondo' makasulam.

KAINGKUALAN 36:37

Ginio ra kulobon ru Kim ru Tuhan, pambaal ilo ra tabir intor ra konoon linon molomos ondo' binaal ra konoon bulu makabatik motomou, matanggilung am malia' ondo' binungaan ra sulaman.

KAINGKUALAN 39:29

abot intor ra konoon linon molomos, am konoon bulu makabatik motomou, matanggilung am malia', binungaan ra sulaman, koson ra nanusuban ru Tuhan ri Musa.

UNTABAN 3:26

am tabir ru liliut ondo' libung ra Kim ru Tuhan am altar, am tabir ru kulobon ra liliut. Pinaalungan risilo ngaangai' kandoi ondo' makakulawit ra kuliamos-kuliamos raginio.

TINGGANAI RU BANSA' 5:30

“Tatanga' ilo mangalap ra kuliamos tinalingaau koson ra tatayaron, maa' raginio moonong saujor makaalap rondo' kapoam ruo ngaulun ralaa; nakaalap i Sisira ra konoon mokologo, nakaalap andu' ru raja' ra sakiking makasulam ra mansalinut batik.”