KAINGKUALAN 24:18 - Tanou Moonsoi Timugon

¹⁸ Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 24:18 Iomraidhean Croise

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

1 RAJA'-RAJA' 19:8

Sukal i Ilia am pangakan; akanon no nangani' riso ra ikang koson mugar buoi apat ngoopor ngoorou mongoi ra Gunung Sinai, intok ri Aki Kapuuno' mintalang.

KAINGKUALAN 19:20

Timinuun Tuhan ra rasawat ru tampak Gunung Sinai, am pampiau ri Musa mongoi ra rasawat ru gunung no. Pagaloi i Musa ra gunung,

KAINGKUALAN 25:1

Indagu Tuhan ri Musa,

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 34:28

Soroi i Musa ra intok no nabaya' ra Tuhan buoi apat ngoopor ngoorou am apat ngoopor ngorondom, kalo nangakan am nanginum. Nanulis i Musa ra ragu nabantuan no ra batu pamatikan no.

KAINGKUALAN 9:29

Indagu i Musa ra raja', “Makaingkual aku ayuk ra bandar, makiasi' aku ra Tuhan liliwa' mangakat ra longon. Lumonggo' tingkalur am tuminas rasam batu ti, koson makapandai kou ra tana' ti longgom ru Tuhan.

KAINGKUALAN 9:33

Iruani' boo ri Musa raja' am ongoi ra liwar ru bandar. Giu' no nakiasi' io ra Tuhan am nangakat ra longon, longgo' boo tingkalur, rasam batu am rasam.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

MATIUS 4:2

Kopongo i Jisus nampali buoi apat ngoopor ngoorou am apat ngoopor ngorondom, naitilan Io.

MARKUS 1:13

Minayan Io ra giu' buoi apat ngoopor ngoorou, kininaman Io ru Tingganai ru riwato. Io soroi ra giu' am nagiantanga' ra bibiag masigo am malaikat nangindangan Riso.

LUKAS 4:2

Kininaman Io ru Tingganai ru riwato no ra giu' i buoi apat ngoopor ngoorou. Buoi raginio nampali i Jisus am kalo nangakan Io ra atan ayuk pana saboi naitilan Io.

SAGULION 10:10

“Minayan aku giu' rasawat ru gunung no buoi apat ngoopor ngoorou am apat ngoopor ngorondom koson ra kasaa' i. Rinongog aku ru Tuhan ra igondo' poyo am nangiou Io ra kalo mamuso ramuyun.

SAGULION 5:31

Kaa' okou, Musa, musiti' mayan ragiti mabaya' Raki'. Manaak Aku rirun ra ngaangai' ukum am susuban Kuno. Pailaa' ngaangai' no ra ulun raginio maa' raginio gumagaya' ilo raginio giu' ra pagun ondo' taakin Kuno risilo.’

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.

SAGULION 9:25

Ginio ra samba kubu aku ra saang ru Tuhan buoi apat ngoopor ngoorou am apat ngoopor ngorondom, sabap nakapandai aku ra namatas Io koson mamuso ramuyun.

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.