KAINGKUALAN 23:8 - Tanou Moonsoi Timugon

⁸ Pai' apuo' taak pangambi', sabap ra taak pangambi' no mopobolou ra ulun ra atan ondo' motopot am mampalubat ra ulun kalo makasala.

KAINGKUALAN 23:8 Iomraidhean Croise

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

MAZMUR 26:10

ioginio ulun ondo' masalok mambaal ra kalaatan am masalok mangapu ra ruit pangambi'.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

AMSAL 17:8

Sanganuan ulun mindagu rasua makabaal ra kaimuagan; mangintopot ilo ra ngaangai' no mabaal ru rasua.

AMSAL 19:4

Ulun langkaya' magail makaalap ra rangan bagu, kaa' ulun musikin iruanin ru rangan.

MAMPATANOU 7:7

Amon ulun mapintar no magabau, ilo no kolondo' katandaan. Amon ru ulun mangapu ra rasua, ilo nampalunsai ra paliso moonsoi.

JISAYA 1:13

Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 5:22

Aibui boo ramuyun, akau mainum-inum. Kalo namimii' pintar mino ra akau mamparatok ra inumon mapait!

JISAYA 5:23

Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

GOSIA 4:18

Mopongo masuang inum ra wain, mantalan ilo ra inan ra guang maansayan. Masaga' ilo poyo asabin ka urumaton.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 8:3

Kaa' kalo namaya' ilo ra ama' nilono. Naguyum ilo ayuk ra kalabaan galama'; nangapu ilo ra rasua am nangakim ra mamagun ra kalo matanda'.