7 Pai' pambaal ra panguwan magabau, am pai' kinibiti' ulun kalo makasala ukumin ra matoi, sabap ra mangukum Aku ra ulun ondo' mambaal ra kalaatan koson raginio.
Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”
Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.
Aibui boo ramuyun! Pantalikaron min ondo' moonsoi am niayuk ondo' malaat, ondo' molondom am niayuk ondo' matawang, am niayuk ondo' mapait am ondo' matamis.
Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.
Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.
“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.