KAINGKUALAN 23:2 - Tanou Moonsoi Timugon

² Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

KAINGKUALAN 23:2 Iomraidhean Croise

KASAUKAN 19:4

Kalo poyo nombolong tambului no, ungkuyon ru bandar Sodom no liminibung noyo ra baloi no. Nakakai' ungkuyon ru bandar no, ondo' mangatutuo am poyo mangamulok soroi ra giu' no.

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

KASAUKAN 7:1

Indagu boo Tuhan ri Nuu, “Ilain Ku ra okou ayuk rorondo' ondo' sumugut ra susuban Kuno. Ginio ra subol kano ralalom ru kapal no mabaya' ra akau ngaangai' sasambaloi.

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

AYUP 31:34

Ragu ru kasuangan kalo malaa' aku, am pagasaban ru ulun kalo lioon ku; kalo igondo' aku soroi ra baloi kapoam mongkoror ayuk, sabap malaa' ra ilo magasab.

MAZMUR 72:2

maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

AMSAL 1:15

Anak kuno, pai' kau baya' ra ulun koson raginio. Inggalur kau risilo.

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

AMSAL 4:14

Pai' bayaa' ralan ru ulun malaat, am pai' tiluo' binaal nilono.

JIRIMIA 37:15

Siminangit ilo raki' am nanusub ra lambaan am aputon aku giu' ra baloi ri Jonatan, mamamatik ru pagun. Paat raginio baloi nano sinauk noyo ra pangaputan.

JIRIMIA 37:21

Ginio ra nanusub Raja' Jidikia ra aputon aku giu' ra liliut ru istana. Minayan aku ra giu', am moonong orou aniin aku ra rondo' ruti' maayo intor ra intok ru ulun mambaal ra ruti', saboi ra bandar no nakayaan ra ruti'.

JIRIMIA 38:9

“Raja' kuno, binaal ru pagawai-pagawai no kalo motopot. Pinasubol nilo i Jirimia ra ralalom ru tulubong am maaru' matoi io maitilan ra giu' no sabap ra nakai' noyo akanon ra bandar ti.”

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

AGAI 1:4

“Akau ulun Kuno, kua ayan kau giu' ra ralalom ru baloi moonsoi, kaa' Baloi Kuno lakat poyo nalunsai?

MARKUS 15:15

Palabuso' boo ri Pilatus i Barabas risilo, sabap ra mampakaansuk ra guang nilo. Panusub io boo ra ulun mampalapos ri Jisus am pinoloso no salipon.

RINALATAN 24:27

Pakasail ruo ngambilor, mokoondo' gabenor bagu, io no i Pirkius Pistus namalit ri Piliks. Kaa' nompoloso io ayuk i Paulus giu' ra lamin pangaputan sabap ra masaga' io mangambi' ra guang ru ulun-ulun ru Jaudi.

RINALATAN 25:9

Kaa' masaga' i Pistus mampagamis ra guang ru ulun ru Jaudi. Ginio ra kuati' no boo i Paulus, kono, “Masaga' kou kia poongoyon ra Jirusalim koson giu' ayuk pamisaraan kuno rirun?”

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.

1 SAMUIL 15:9

kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.