KAINGKUALAN 23:1 - Tanou Moonsoi Timugon

¹ “Pai' potonowo' tanou ra magabau, am pai' indangan ra ulun ondo' makasala am mangani' ra inono' kalo motopot.

KAINGKUALAN 23:1 Iomraidhean Croise

KASAUKAN 39:17

Tunungo' no ri Potipar nogondo' ra pinabala' no ra ulipon-ulipon nano, kono, “Ulipon ra ulun ru Ibrani ondo' inibit muno ragiti no minumpos ra lamin kuno am pagasab raki'.

2 SAMUIL 16:3

Pangkuot raja' riso, “Ati kia i Mipibosit, akupu ru tuan muli Raja' Saul?” Taam i Jiba, “Timinatang io ra Jirusalim, sabap ra mangintopot io ra ulun ru Israil mapasaguli' ra pamarintaan ru aki nali Raja' Saul riso.”

2 SAMUIL 19:27

Sinimbaalan no aku ra ragu malaat rirun. Kaa' okou koson ra malaikat ri Aki Kapuuno'. Ginio ra baalo' noyo raki' atan ayuk kasagaan muno.

MAZMUR 101:5

Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

MAZMUR 120:3

Akau magagabau, atan kia baalon ri Aki Kapuuno' no ramuyun? Atan kia pangungukum Nano ramuyun?

MAZMUR 15:3

ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

MAZMUR 27:12

Pai' aku pasubako' ra pantula' kuno, ondo' mongoi panimbaal am pompololob.

MAZMUR 35:11

Sasi'-sasi' ra mangalaat nanguu' raki', sabap ra baal ondo' kalo natutunan kuno.

KAINGKUALAN 20:16

“Pai' panimbaal ra ragu ra ulun bokon.

KAINGKUALAN 23:7

Pai' pambaal ra panguwan magabau, am pai' kinibiti' ulun kalo makasala ukumin ra matoi, sabap ra mangukum Aku ra ulun ondo' mambaal ra kalaatan koson raginio.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

AMSAL 12:17

Mindagu ra motopot mapabigor ra katimpakan, kaa' mindagu ra magabau makakinibit ra kalo matimpok.

AMSAL 14:5

Sasi' ra mabanis guang masalok mindagu ra motopot, kaa' sasi' ra kalo mabanis guang masalok magabau.

AMSAL 17:4

Ulun malaat mangapu ra pamaguangan malaat, am ulun maabau-abau masaga' mangkirongog ra ragu-ragu abau.

AMSAL 19:28

Amon ru sasangulun masaga' mindagu ra kalo motopot, arati' no katimpakan kalo pinaugar. Ulun malaat masaga' ra kalaatan.

AMSAL 19:5

Ulun ondo' magabau giu' ra makama' am ulun ondo' magambut musiti' ukumin.

AMSAL 19:9

Osoi-osoi magabau giu' ra makama kalo makalabus io ra ukumin am musiti' io mapuso.

AMSAL 21:28

Paraguon ru ulun maabau-abau kalo maintopot, kaa' paraguon ru ulun ondo' maintopot no apuon.

AMSAL 24:28

Pai' sauk mantalinono' ra sasangulun amon kolondo' panguyatan ra motopot, kapoam manimbaal riso.

AMSAL 25:18

Manimbaal ra ragu koson ayuk ra mampiris mananggal ra ilang, jujuga', kapoam anak ru panah ondo' malarom.

AMSAL 25:23

Mangalimut maparatong ra sangit koson ra angin ralayo magibit ra rasam.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

IMAMAT 19:11

“Pai' pantakou ra atan pana; pai' pamparuung ra osoi pana; pai' pagabau.

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

MATIUS 19:18

“Ukum ra atan?” kuot ru ulun i. Taam i Jisus, “Pai' pampatoi, pai' lapau, pai' pantakou, pai' pagabau;

LUKAS 19:8

Kaa' bigor i Jakius am indagu ri Jisus, “Tuan, rongogo', sampiruo intor ra rapu' kuno tatayaron ku ra ulun musikin, am ondo' rinuung kuli pana, pasagulion ku poyo saboi inggapat suang no!”

LUKAS 3:14

Mokoondo' niayuk saujor nangkuot, “Ati kulaan ramon? Atan musiti' baalon mai?” Taam i Juanis, “Pai' kau pampagaau ra ruit ru osoi ayuk pana am pai' kau pangilalaa' ra ulun koson mangalap ra ruit nilo. Sama' noyo ra gaji' mino galama'!”

JUANIS 7:51

“Sumugut ra Ukum ri Musa, kalo makapangukum takau ra sasangulun ru kalo poyo morongog ragu nano am niayuk mapandayan takau atan binaal nano.”

ROMA 3:8

Kua guat pai' takau raguo', “Moonsoi mambaal takau ra malaat, bagu atan ondo' moonsoi no masauk”? Mokoondo' niayuk kukula' ngaulun boo magasab am manguu' raki', konilo, “Mindagu i Paulus koson raginio!” Ukumin ilo ri Aki Kapuuno' maya' ra binaal nilai no.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

SAGULION 5:20

‘Pai' panaak ra inono' magabau intor ra ulun bokon.

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.