KAINGKUALAN 22:2 - Tanou Moonsoi Timugon

^2-4 Musiti' ulun no mangalig ra atan pana ondo' tokowon nano. Amon ru kolondo' io ra atan pana, musiti' io talanon koson ra ulipon pambayar ra atan ondo' tinakou nano. Amon ru ondo' tinakou nano sapi', kaladai kapoam domba, am nakito ra lakat poyo maayag soroi ra ulun no, musiti' aligin no moonong sanginan bibiag ra ruo ngainan bibiag. “Amon ru marakop sangulun mantatakou paat ra mangaloi ra baloi tampilon ra rondom, am matoi io, kolondo' sala ru ulun namatoi no. Kaa' amon ru masauk gitio ra tampilon matawang, makasala ulun namatoi ra mantatakou no.

KAINGKUALAN 22:2 Iomraidhean Croise

AYUP 24:14

Paat ra maar matawang, ulun mamatoi mingkual mamatoi ra ulun musikin; am paat ra rondom, mingkual ilo mantakou.

AYUP 24:16

Paat ra rondom ulun mantakou manubol ra baloi ru ulun, kaa' paat ra matawang mansibuni ilo am sumili intor ra sinda.

AYUP 30:5

Ngaangai' ulun nampagiru' risilo ra ginalakan, koson ra ulun mampagiru' ra ulun mantakou.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

JOIL 2:9

Gapu' mamulunsar ra bandar, masimbul giu' ra rasawat ru timbok ru bandar, mangkiwa' ra baloi-baloi, am sumubol maya' ra gigimpalan koson ra ulun mantatakou.

UNTABAN 35:27

am amon ru natuum io am pinatoi ru pabukat ru ulun ondo' minatoi noyo, pinambalos raginio sala' ka pamatayan.

MATIUS 24:43

Karaa' min gitio! Amon ru ampu' ru baloi nakapandai sangulun mantatakou no matong, kalo mombolong io am kalo polosoon no mantatakou no sumubol ra baloi nano.

1 TISALONIKA 5:2

Sabap ra akau galama' nakapandai toojo ra ratangan ru Tuhan no ra pulali' kon ayuk, mogondo' ra ratangan ru sangulun mantatakou paat ra io rondom.

1 PITRUS 4:15

Amon ru mokoondo' intor ramuyun mampatoi, mantakou, mangkalaat, kapoam sumombot ra atan ondo' baalon ru bokon, am imboloon io boo, ginio noyo balos no.