KAINGKUALAN 22:10 - Tanou Moonsoi Timugon

¹⁰ “Amon ru mangiou sasangulun magalung ra kaladai, sapi', domba kapoam bibiag tinambiag ru ulun bokon, am matoi bibiag tinambiag no, mapilatan kapoam ginaau ru pantula' kaa' kolondo' ulun nakatainu;

KAINGKUALAN 22:10 Iomraidhean Croise

KASAUKAN 39:8

Marara' i Jusup am indagu ra ruandu' no, “Ilai', tuan kuno lumingongon kalo manalingapu ra atan ayuk pana ra baloi ti, sabap ra soroi aku ragiti. Pinataak no raki' ngaangai' kandoi nano.

KAINGKUALAN 22:11

ralalom baal ru ginio, musiti' ulun ondo' nagalung ra bibiag no mongoi ra intok sambayangan am magibot sabap ra inggalan ru Tuhan ra kalo nantakou io ra bibiag no. Amon ru sala' ka io nantakou ra bibiag no, musiti' tatangan ra bibiag no magantung ra kalubatan, am ulun ra nagalung no kalo pana mambayar ra kalubatan;

KAINGKUALAN 22:9

“Tayar ru moonong pansangaran intor ra rapu', iou ra sapi', kaladai, domba, konoon kapoam kuliamos ra nangatatak, karuo ngaulun ondo' nangakun ra tatangan raginilo musiti' ibiton ra intok sambayangan. Ulun ondo' tuluon ri Aki Kapuuno' ra makasala, musiti' mambayar ra induo ruli' ra tatangan toojo.

LUKAS 12:48

Kaa' ulipon ondo' kalo nakapandai ra kasagaan ru tuan nano, am makasala niayuk, loposon io ra kalo kula' ruol. Ulun ondo' inanian ra masuang no, masuang niayuk sikaan intor riso no. Amon ru masuang poyo pinalansan ra sangulun no, mulu' poyo suang ru kitaakon intor riso.”

LUKAS 16:11

Amon ru kalo boo kalansanin kou ra okou mampakai ra kalangkayaan ru tana' ti raino, atan kosonon ra kalangkayaan ondo' mantilayun?

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.