KAINGKUALAN 21:2 - Tanou Moonsoi Timugon

² Amon mambali kau ra ulipon bansa' ru Ibrani, musiti' io mangandoi rirun buoi onom ngambilor. Paat ra bilor katulu' musiti' io palabuson ra kalo bayarin kau ra atan pana.

KAINGKUALAN 21:2 Iomraidhean Croise

KASAUKAN 27:28

Gama' ru manaak i Aki Kapuuno' rirun ra bolobou intor ra limbowon am manaak rirun ra tana' mangalabung! Gama' ru manaak Io rirun ra gandum am niayuk wain ra masuang kaga'.

KASAUKAN 27:36

Indagu i Isau, “Gitio noyo kainduo ri Jakub mamparuung raki'. Natimpok inggalan nano i Jakub. Ginaau no longgom kuno koson anak katuaan am raino ginaau no poyo barakat kuno. Kolondo' kia boo barakat muno raki'?”

2 RAJA'-RAJA' 4:1

Paat ra sangarawan, napuor ru sangulun nabi minatong ri Ilisa am indagu, “Tuan, minatoi noyo ralaki kuli! Nakapandai kou ra io sangulun ondo' gumagaya' ri Aki Kapuuno' kaa' nagutang io ra sasangulun. Raino ulun no minatong koson mampagaau ra ruo ngaulun anak ungkuyon kuno am saukon ilo ra ulun inulipon koson mambayar ra utang ru ralaki kuli.”

NIGIMIA 5:8

am indagu aku, “Mingkotog akai toojo mamuli' ra ulun ru Jaudi ondo' nantalan kalalaat ra inan nilo ra ulun bansa' ra bokon. Kaa' raino akau pinai boo ondo' mampajajal risilo mantalan ra inan nilo ramuyun, alika akau niayuk ulun ru Jaudi!” Tingganai-tingganai no nongkokoror ayuk, am kalo timinaam ra atan pana.

KAINGKUALAN 12:44

Kaa' ulipon ondo' binali min makaakan ra akanon no, amon ru sinunatan io noyo.

KAINGKUALAN 21:3

Amon ru lakat poyo kalo nanangandu' io paat ra io nasauk ra ulipon min, andu' nano kalo makaaya' riso paat ra io palabuson. Kaa' amon ru makaandu' io noyo paat ra io nasauk ra ulipon min, makapabaya' io ra andu' nano mugar.

KAINGKUALAN 21:7

“Amon ru sangulun ama' mantalan ra anak ruandu' nano koson ra ulipon, kalo palabuson ulipon ruandu' no koson ra ulipon ungkuyon.

IMAMAT 25:54

Amon ru kalo mapuli' io ra rondo' intor ra ralan raginio, musiti' io am anak-anak nano palabuson paat ra Bilor Papasagulian ra matong no.

MATIUS 18:25

Kaa' kalo boo mabayaran no saguli'. Ginio ra, raja' ti manusub patalanin no ulipon ti mabaya' ra anak, andu' am niayuk ngaangai' rapu' nano. Ruit ra naalap intor raginio boo papusoon ra ira' ti.

1 KORINTUS 6:20

Mologo toojo pinambabali ri Aki Kapuuno' ramuyun, ioginio i Kristus. Sabap raginio, urumato' noyo i Aki Kapuuno' ra inan mino pana.

SAGULION 15:1

“Paat ra pompor ru moonong bilor katulu', pusoo' noyo utang ru ulun ondo' magutang ra ruit min.

SAGULION 15:18

Pai' pansagulian guang paat ra akau mapalabus ra sangulun inulipon, sabap ra nangandoi io noyo ramuyun buoi onom ngambilor, ra sampiruo gaji' ru sangulun mangngandoi. Baalo' noyo susuban raginio, am mambarakat ramuyun Tuhan i Aki Kapuuno' min ralalom ru ngaangai' kandoi min.”

SAGULION 31:10

Nanaak i Musa risilo ra susuban, “Paat ra pupus ru moonong bilor katulu', ralalom ru bilor pamusaan ra utang, basaa' noyo Ukum ti ra bolos mosongou paat ra Pangiantakan Mangkalukub ra Raun.