KAINGKUALAN 21:14 - Tanou Moonsoi Timugon

¹⁴ Kaa' amon ru sumangit sasangulun am sumingon mamatoi ra ulun bokon, musiti' io ukumin ra matoi kabalu' pana magiru' io ra altar Kuno makiampin.

KAINGKUALAN 21:14 Iomraidhean Croise

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 RAJA'-RAJA' 11:15

Kalo mangiou i Joyada ra Raja' Ruandu' Atalya potoyon giu' ra liliut ru Baloi ru Tuhan. Kon ri Joyada ra tingganai-tingganai ru pulalai nano, “Ibito' raja' ruandu' no mugar mansail ra barisan ru ulun magagalung. Potoyo' osoi ayuk ondo' kuminam mamayag ra raja' ruandu' no.”

MAZMUR 19:13

Kolondo' sangulun pana makakito ra sala nano galama'; iou Tuhan, palabuso' aku no intor ra kasalaan ondo' nasibuni.

KAINGKUALAN 21:15

“Osoi mapalamba' ra ama' nano kapoam ina' nano musiti' ukumin ra matoi.

AMSAL 28:17

Sangulun mamamatoi pampaguangan nano koson ra ilolowon saboi io matoi. Pai' kinam pangindangan riso.

UNTABAN 35:16

Kaa' amon ru mamakai sasangulun no ra malarom, kapoam batu, kapoam tataun koson mamatoi ra ulun, makasala io am musiti' ukumin ra matoi.

SAGULION 1:43

Nampasaboi Aku ra bala' ru Tuhan ramuyun, kaa' kalo linio min. Giminuor kau ra Tuhan, am ra limbau mino minongoi kau ra intok kabuluran koson mangayou.

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”

SAGULION 27:24

“ ‘Kaulas noyo ulun ondo' nambaal ra pamatayan ra sinokon.’ “Ngaangai' ulun tumaam ra, ‘Amin!’

IBRANI 10:26

Sabap ra amon ru nakatutun takau noyo toojo ra katapatan ri Kristus, kaa' sumingon takau poyo ruli'-ruli' ayuk mambaal ra tula, kolondo' noyo taak simbalui koson mangampun ra tula raginio.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.