KAINGKUALAN 20:7 - Tanou Moonsoi Timugon

⁷ “Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KAINGKUALAN 20:7 Iomraidhean Croise

KASAUKAN 27:20

Indagu i Isak, “Okou anak kuno, ati kulaan kou nakaalap ra mataki'?” Taam i Jakub, “Sabap ra nangindangan Tuhan i Aki Kapuuno' ondo' sambaan muno raki'.”

1 RAJA'-RAJA' 2:9

Kaa' pai' polosoo' ra io makalabus intor ra ukuman. Nakapandai kou ra atan ondo' musiti' baalon; tutuno' noyo maa' raginio ukumin io ra matoi.

2 RAJA'-RAJA' 5:20

i Gigaji, ulipon ri Ilisa mindagu ralalom ru guang, “Kua paugaro' ri Ilisa no i Naaman ra kalo nambayar kasanganu pana? Musiti' io mangapu ra pinataak ru ulun ru Siria no. Ralalom inggalan ru Tuhan ondo' maayag, ilowon ku ulun ru Siria no am makitaak sanganu intor riso.”

MAZMUR 139:20

Manimbaal ilo Rirun; ilaaton nilo inggalan Muno.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JIRIMIA 34:16

Kaa' akau pana nangulau ra pangkaraan am nagasab Raki'. Ulipon-ulipon ondo' pinalabus min sumugut ra kasagaan min, inalap min saguli' am jinajalan min nasauk saguli' ra ulipon.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

IMAMAT 19:12

“Pai' pabantu' ralalom inggalan Kuno amon ru makaguang kau kalo manugut ra bantu' no. Baal raginio magasab ra inggalan Kuno. Aku noyo Tuhan i Aki Kapuuno' min.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 5:11

‘Pai' sabito' inggalan Kuno ra kuayan ondo' malaat sabap Aku Tuhan i Aki Kapuuno' min, mangukum ra osoi ayuk ondo' mampajajou ra inggalan Kuno.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

JOSUA 2:12

Raino pagibot no ralalom inggalan ru Tuhan ra moonsoi pamakuan min ra sasambaloi kuno koson ra moonsoi pamakuan kuno ramuyun. Anii' aku ra rondo' tatandu' ra maintopot maa' raginio mangintopot aku ramuyun.

JOSUA 2:17

Indagu ulun-ulun pansigo no ri Ragab, “Suguton mai bantu' maiti sumugut ra kitaak muno.

JOSUA 9:20

Musiti' takau polosoon ilo maayag sabap ra nabantuan takano; amon kalo, mangukum i Aki Kapuuno' ritakau.