KAINGKUALAN 20:5 - Tanou Moonsoi Timugon

⁵ Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 20:5 Iomraidhean Croise

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 21:29

“Nakito mu kia ra Raja' Agab minggana' guang ra saang Kuno? Sabap ra nambaal io koon raginio, kalo maparatong Aku ra karaat no riso paat ra io maayag no. Maparatong Aku ra karaat no ra sasambaloi nano paat ra anak nano maayag.”

2 RAJA'-RAJA' 17:35

Nambaal Tuhan ra nabantuan ra ulun ru Israil, am nanusub ra, “Pai' samba ra tuhan-tuhan ra bokon; pai' igulatur, kapoam mangandoi, kapoam mampataak ra taak simbalui ra tuhan-tuhan raginio.

2 RAJA'-RAJA' 17:41

Sumamba ilo ra Tuhan, kaa' sumamba ilo niayuk ra sinungkalalaing nilo; saboi raino papag nilono lakat poyo mambaal raginio.

2 RAJA'-RAJA' 23:26

Kaa' sangit ru Tuhan ra Jiuda ondo' pinasingkual ru Raja' Manasi nanimbula' toojo saboi paat raginio pana Tuhan lakat poyo sumangit.

2 RAJA'-RAJA' 5:18

Malansan aku maa' raginio Tuhan no mangampun raki' paat ra aku mamaya' ra raja' mongoi sambayang giu' ra kuil Rimon, dewa ru pagun ru Siria. Gama' ru mangampun Tuhan no raki'!”

2 RAJA'-RAJA' 5:27

Sabap no ra nangapu kou ra pinataak no, okou am papag muno makaalap ra maruol ri Naaman ra sabuoi-buoi no!” Paat ri Gigaji nangiruan ra intok raginio, natiu' io ra maruol ru kungkung; kungkung nano nasauk ra mapulak kaga'.

2 TUNUNG RU BANSA' ISRAIL 25:14

Paat ra Raja' Amajia minuli' intor ra pangayawan ra ulun ru Idom, inibit no minuli' sinungkalalaing ru ulun ru Idom am pinosoroi ngaangai' no giu' ra Jiuda. Io pana sumamba boo ra sinungkalalaing am nonolob ra kaminyan ra sinungkalalaing no.

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

AYUP 21:19

Kamin, ‘I Aki Kapuuno' mangukum ra anak sabap ra kasalaan ru ama' nano.’ Kaa' kaku, polosoon noyo i Aki Kapuuno' mangukum ra ulun ondo' makasala, maa' raginio makaliman ilo ra inukum ilo ri Aki Kapuuno' sabap ra kasalaan nilo.

AYUP 5:4

Anak nilo kalo mabayag; kolondo' ulun manaung risilo giu' ra makama.

MAZMUR 109:14

Polosoon noyo Tuhan mangkara' ra kalaatan ru kinamatuaan nilo, am kalo mangampun ra tula ru ina' nano.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

MAZMUR 79:8

Pai' akai ukumi' sabap ra tula ru kinamatuaan maili, kaa' pakaasi' no ramon ra mataki', sabap ra akai malawo guang.

MAZMUR 81:15

kalaan Ku pantula' nilono ra mataki', am kukumin ngaangai' pantula' nilono.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

AMSAL 8:36

Osoi kalo makatuum raki' mamungawo io, am ulun masisang raki', gumogot ra kapatayan.”

JISAYA 44:15

Ginio noyo sangulun makaalap ra tataun am santayaran no suruin, am santayaran tataun no baalon ra sinungkalalaing. Santayaran no baalon ra luton, moonsoi pandarangan kapoam panalaban ra ruti', am santayaran poyo baalon ra dewa ondo' sambaan nano.

JISAYA 44:19

Ilo ondo' nambaal ra sinungkalalaing no kalo nakapangkara' ra mindagu, “Santayaran ra tataun no suruin ku; apui no pantutunu ku ra ruti' am pamanggangan ku ra kual, am akanon. Tataun ra suwo no saukon ku ra sinungkalalaing. Ilai' noyo, sambaan kuno saputul tataun ayuk!”

JIRIMIA 2:9

Indagu Tuhan, “Ginio boo ra paraguon Ku baal Kuno poyo ra ulun Kuno. Paraguon Ku panguwan ra papag nilo.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

YEHEZKIEL 18:19

“Maaru' mangkuot kau kua ra anak no kalo nakinibitan intor ra tula ru ama' nano. Taaman nano iono anak no nambaal ra matimpok am moonsoi. Giminagaya' io ra ukum Kuno am binaal no ra matanda'. Ginio ra maaru' maayag io.

YEHEZKIEL 18:2

“Atan kia panginuuyan ondo' sasabiton ru ulun giu' ra pagun ru Israil? ‘Ina' am ama' mangakan ra anggur mataris, kaa' anak ondo' maangil ripon.’ ”

YEHEZKIEL 20:7

Nanusub Aku risilo mamatir ra sinungkalalaing ondo' makauyuyu', ondo' kasagain nilo, am nanginggalar risilo mampajamol ra inan am sumamba ra sinungkalalaing ru ulun ru Misir, sabap ra Aku noyo Tuhan, i Aki Kapuuno' min.

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

DANIL 3:18

Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

IMAMAT 20:5

am Aku galama' boo mangukum riso am ngaangai' sasambaloi nano, am niayuk ngaangai' ulun ondo' mababaya' riso mangiruan Raki' am sumamba ra Dewa Molok. Kalo boo mangkara' Aku risilo ra ulun Kuno.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

IMAMAT 26:29

Maitilan kau kaga' saboi mangakan kau ra anak mino galama'.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

UNTABAN 14:33

Tumanggau anak mino ra tana' kaagisan buoi apat ngoopor ngambilor. Sabap ra kalo gumagaya' kau, maimbolo' anak-anak mino, saboi akau ngaangai' no matoi.

UNTABAN 25:11

“Pinigas anak ri Iliajar, akupu ri Imam Arun, napalinos noyo ra sangit Kuno ra Israil. Kalo nopoloso io ra Israil sumamba ra tuhan ra bokon ondo' ayuk am Aku, saboi sangit Kuno limininos am kalo mamuso Aku ra ulun raginio.

MATIUS 4:9

Indagu Tingganai ru riwato no ri Jisus, “Ngaangai' ti taakin ku Rirun amon ru migulatur Kou am sumamba raki'.”

JUANIS 15:18

“Amon ru kasisangin kau ru ulun ru tana' ti, karaa' min ra Aku galing nasisangan nilo.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

JUANIS 9:2

Pangkuot maamaya' Nano Riso, “Mangingila', osoi ra tula nangkinibit ra ulun ti noolou intor ra io inanak? Tula nano galama' kia kapoam matuo nano?”

ROMA 1:30

mangilaat ra bokon; masumbung ilo am mailo balain, masisang ri Aki Kapuuno' am lumimbau. Maguyum ilo ra ralan bagu koson mambaal ra malaat am kalo gumagaya' ra ragu ru matuo nilo;

ROMA 8:7

Ulun ondo' pamaguangan nano kinuasa' ru paliso ru ulun mantula' ri Aki Kapuuno', sabap ra kalo gumagaya' io ra ukum ri Aki Kapuuno' am sotopot no kalo magagaya' no ukum raginio.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.

SAGULION 4:24

sabap Tuhan i Aki Kapuuno' mino koson ra apui ondo' mangumpo. Kalo masaga' Io pogondoon ra atan pana.

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

SAGULION 5:9

Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

SAGULION 6:15

Amon ru sumamba kau ra tuhan-tuhan ra bokon, sumangit Tuhan no ramuyun. Sangit Nano koson ra apui, am pusoon kau lingono', sabap ra Tuhan i Aki Kapuuno' min ondo' soroi ra tatanga' mino, kalo masaga' pogondoon ra atan pana.

SAGULION 7:10

kaa' kalo pagantangan Io mangukum ra ulun ondo' masisang Riso.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

JOSUA 23:7

Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.

JOSUA 24:19

I Josua pana mindagu ra ulun raginio, “Kaa' maaru' lair kalo mokoorot kau mangandoi ayuk ra Tuhan. Io i Aki Kapuuno' ondo' matulai, am kalo mangampun Io ra tula min. Kalo masaga' Io makasalanan.

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.