KAINGKUALAN 20:21 - Tanou Moonsoi Timugon

²¹ Kaa' ulun raginilo lakat poyo migor maalur intor ra giu' no, am i Musa ayuk mininggaar ra gaun makapal intok i Aki Kapuuno' minatong.

KAINGKUALAN 20:21 Iomraidhean Croise

1 RAJA'-RAJA' 8:12

Kopongo raginio pakiasi' Raja' Salomo, “Iou Tuhan, Okou noposoroi ra mato ru orou giu' ra limbowon, kaa' masaga' Kou poyo mayan ra ralalom ru londom ru gaun.

2 TUNUNG RU BANSA' ISRAIL 6:1

Raja' Salomo pana pakiasi' boo, “Iou Tuhan, masaga' Kou poyo mayan ralalom ru kalandaman ru gaun.

MAZMUR 104:2

am liniputan Kou ru sinda. Biningkal Mu limbowon koson ra kim,

MAZMUR 18:12

Taubin No inan Nano ra kalandaman; gaun majuut kaga' liminibung Riso.

MAZMUR 18:9

Lisun mingkual intor ra arung Nano, apui am baa mingkual intor ra kabang Nano.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

KAINGKUALAN 19:3

Nagaloi i Musa rasawat ru gunung mongoi tuum ri Aki Kapuuno'. Pampiau Tuhan ri Musa intor ra gunung no am nanusub riso mambala' ra ulun ru Israil, papag ri Jakub,

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 5:5

Paat ragili nasauk aku ra mampasuku' min am Tuhan koson mampasaboi ra ragu Nano ramuyun, sabap malaa' kau ra apui no am kalo masaga' magaloi ra gunung. Indagu Tuhan,

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.