KAINGKUALAN 20:18 - Tanou Moonsoi Timugon

¹⁸ Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

KAINGKUALAN 20:18 Iomraidhean Croise

KASAUKAN 15:17

Pokotolop mato ru orou am molondom noyo, pulali' ru rapuan makabaa ondo' makalisun am pilasut napaangan nansail ra lolot ru tinata' ra kual no.

KASAUKAN 3:10

Taam ungkuyon no, kono, “Nakaining aku nampiau Kou giti ra taman ti; am malaa' aku, ginio ra pansibuni aku sabap nagibabaang aku.”

MAZMUR 81:7

“Kinayang ku noyo sinaanan mino; am mapalabus ramuyun intor ra kandoi pajajalin.

JIRIMIA 23:23

“Aku ti i Aki Kapuuno' ondo' soroi ra ati-ati, am sala' ka i Aki Kapuuno' ondo' sumaang ra rondo' intok ayuk.

SAGULION 18:16

Paat ra akau tumimung giu' ra Gunung Sinai, pakitaak kau maa' raginio kalo bagu mokorongog kau ra Tuhan mindagu, kapoam makakito ra ratangan Nano ondo' bibilak, sabap ra malaa' kau matoi.

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

SAGULION 5:23

“Paat ra titikop ru gunung no natauban ru apui am norongog min bolos intor ra kalandaman raginio, tingganai-tingganai ru bansa' am tingganai-tingganai ru mamagun min minatong raki'

SAGULION 5:25

Kaa' kua kia musiti' mapataak poyo ra painawo? Apui ondo' makalalaa' no mamuso ramon. Maaru' matoi akai amon ru morongog mai Tuhan i Aki Kapuuno' takau mindagu poyo.

SAGULION 5:27

Okou Musa, ugar noyo am rongogo' noyo ngaangai' ondo' rinagu ru Tuhan i Aki Kapuuno' takau. Kopongo raginio saguli' noyo am balai' akai ra atan ondo' rinagu Nano rirun. Mangkirongog am gagayaan mai.’

SAGULION 5:5

Paat ragili nasauk aku ra mampasuku' min am Tuhan koson mampasaboi ra ragu Nano ramuyun, sabap malaa' kau ra apui no am kalo masaga' magaloi ra gunung. Indagu Tuhan,