KAINGKUALAN 20:12 - Tanou Moonsoi Timugon

¹² “Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 20:12 Iomraidhean Croise

KASAUKAN 48:12

Alapo' ri Jusup anak-anak nano intor ra sapau ri Jakub am igulatur io galama' ra saang ru ama' nano.

KASAUKAN 50:12

Ginio noyo ra ginagaya' ru anak-anak ungkuyon ri Jakub bilin nali risilo.

1 RAJA'-RAJA' 2:19

Kopongo raginio uma' i Batsyiba ra Raja' Salomo koson mampasaboi ra baal raginio ra bala ri Adonia. Bigor raja' no manguma' ra ina' nano am kubu samba ra saang nano. Panturung Raja' Salomo ra kurisi' nano, am paatango' no rondo' poyo kurisi' tampilon ra pamiris koson ra ina' nano.

2 RAJA'-RAJA' 2:12

Kakito ri Ilisa baal raginio, am i pana mompogolok ri Ilia, “Ama' ku, ama' ku! Manaung maikang ru Israil! Minugar noyo i ama'!” Ginio ra liot ri Ilia intor ra pagilangan ri Ilisa. Nabaya' ra kangilukan rilako' ri Ilisa sukub nano nasauk ra ruo rilak.

KAINGKUALAN 21:15

“Osoi mapalamba' ra ama' nano kapoam ina' nano musiti' ukumin ra matoi.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

AMSAL 15:5

Ulun sasambungon mangimpai ra ilaan ru ama', kaa' ulun mapintar mampalio ra sawai.

AMSAL 17:6

Ulun matutuo maansukan ra akupu koson ra anak maansukan ra matuo.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 28:24

Osoi mantakou ra matuo nano am guangon no baal koson raginio kolondo' tula, io no nogondo' ayuk ra mantatakou.

AMSAL 3:16

Kapintaran manaak rirun ra maawar painawo, am niayuk langkaya' am uramaton.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JIRIMIA 35:18

Aku pana nambala' boo ra bansa' ru Rikab, ra Tuhan Ondo' Maayo Kaga' Kuasa', i Aki Kapuuno' ru Israil minindagu, “Ginagaya' min susuban ru kinamatuaan min i Jonadab; sinugut am binaal min nanusuban nano.

JIRIMIA 35:7

Nanginggalar io niayuk ramon mambaal ra baloi kapoam magitanom, manangumo kapoam mambali raginio. Nanusub io ramon maa' raginio magail mayan giu' ra kim, maa' raginio makaayan akai ra pagun ti koson ra ulun bansa' ru bokon.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 19:32

“Panangguang noyo am urumato' noyo ulun ondo' matutuo noyo. Musiti' kau mangurumat am malaa' Raki', sabap ra Aku noyo Tuhan.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

MARKUS 10:19

Okou maaru' makapandai ra susuban ri Aki Kapuuno': ‘Pai' pampatoi, pai' lapau, pai' pantakou, pai' panguu' ra ulun bokon amon ru kalo motopot, pai' pamparuung, urumato' noyo ina' am ama' muno.’ ”

MARKUS 7:10

Sabap ra nakaindagu i Musa ra galing i, ‘Urumato' noyo ama' am ina' mino! Osoi ayuk mampaluta' ra ama' kapoam ina' nano, maaru' ukumin ra potoyon!’

LUKAS 18:20

Nakapandai kou ra Ukum ri Musa, ‘Pai' pansawa'; pai' pamatoi; pai' pantakou; pai' pagabau; am urumato' matuo muno.’ ”

IPISUS 5:21

Gagaya' kano ra sangulun am bokon, sabap ra akau mangurumat ri Kristus.

SAGULION 11:8

“Gagayaa' noyo ngaangai' ukum ondo' posoboyon kuno ramuyun ra orou raiti'. Amon ru mambaal kau koson raginio, lumaup kau ra sungoi am mayan ra tana' ondo' angayan min.

SAGULION 11:9

Maayag kau ra mabuoi giu' ra tana' ondo' langkaya' am malabung, ondo' binantu' noyo ru Tuhan ra kinamatuaan min am papag min.

SAGULION 21:18

Amon mokoondo' sangulun ondo' makaanak ra bambalingatan, masaga' gumuor am kalo gumagaya' ra matuo nano kabalu' pana mangukum ilo riso.

SAGULION 25:15

Pakayo' timbangan am panuku' ra motopot, maa' raginio maawar umur min giu' ra tana' ondo' pataakon ramuyun ru Tuhan i Aki Kapuuno' min.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

KOLOSI 3:20

Anak kau ngai', moonsoi sumugut kau ra karuo matuo mino sabap ra gitio noyo paliso ru sangulun Kristian ondo' mampakatasu' ra guang ri Aki Kapuuno'.

RUT 3:6

Kopongo raginio ongoi boo i Rut ra pangagikan ra barli am nambaal ra koson ra nanusuban ru iwan nano.

1 SAMUIL 22:3

Intor ra luang batu no minongoi i Daut ra Mijpa giu' ra pagun Moab. Indagu io ra raja' Moab no, “Paayano' noyo matuo kuno rirun saboi ra aku makapandai ra kasagaan ri Aki Kapuuno' no raki'.”