KAINGKUALAN 20:11 - Tanou Moonsoi Timugon

¹¹ Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

KAINGKUALAN 20:11 Iomraidhean Croise

KASAUKAN 1:28

Barakati' No ilo am indagu, “Paganak kano kasusuang maa' raginio papag mino mayan ra titikop intok ra tana' ti am manguasa'. Akau manguasa' ra ngaangai' papait, susuit am ngaangai' bibiag ondo' masigo.

KASAUKAN 1:31

I Aki Kapuuno' nagilong ra ngaangai' ondo' sinauk Nano am maansayan kaga' Io. Kopongo molondom, masauk boo susuab. Ginio noyo orou ondo' koonom.

KAINGKUALAN 31:17

Orou raginio rondo' tatandu' ondo' mantilayun ru Aku am ulun ru Israil, sabap ra Aku, Tuhan napasauk ra limbowon am tana' ti buoi kaanaman; paat ra orou ra katulu' minuog Aku mangandoi, am tangus Aku.”

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.

KAINGKUALAN 9:29

Indagu i Musa ra raja', “Makaingkual aku ayuk ra bandar, makiasi' aku ra Tuhan liliwa' mangakat ra longon. Lumonggo' tingkalur am tuminas rasam batu ti, koson makapandai kou ra tana' ti longgom ru Tuhan.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 20:7

Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

RINALATAN 4:24

Kaining nilo ginio, pakiasi' ilo ra rondo' guang ri Aki Kapuuno', konilo, “Tuhan, Okou no nambaal ra limbowon, tana' am raat nabaya' ra suang nano.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

IBRANI 4:4

Sabap ra koson ra orou katulu', mokoondo' tinulisan ra Buuk Kitab, “Timinangus i Aki Kapuuno' ra orou katulu' intor ra ngaangai' kandoi Nali.”

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.