KAINGKUALAN 20:1 - Tanou Moonsoi Timugon

¹ Indagu boo i Aki Kapuuno' am gitio noyo ragu Nano,

KAINGKUALAN 20:1 Iomraidhean Croise

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

KAINGKUALAN 19:25

Tuun boo i Musa koson tumuum ra ulun raginilo am pambala' risilo ra atan ondo' rinagu ru Tuhan.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.

RINALATAN 7:53

Akau no niayuk nakaapu ra susuban ri Aki Kapuuno' ondo' pinataak ru malaikat-malaikat ramuyun, kaa' kalo nai sinugut min!”

SAGULION 10:4

Giu' ra batu tulis no nanulis Tuhan ra atan ondo' tinulisan Nano ra kasaa'. Nanulis Io ra Mopor Ukum ondo' tinaakan Nali ramuyun paat Io minindagu ramuyun intor ra apui, paat ra orou akau timinimung giu' ra gunung. Nanaak Tuhan raki' ra batu tulis no,

SAGULION 4:33

Igondo' kia mokoondo' bansa' magulayun naayag malupus nokorongog ra rondo' tuhan mindagu intor ralalom ru apui koson ra nailian min?

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 5:4

Giu' rasawat ru gunung no, intor ralalom ru apui, minindagu Tuhan rayus ramuyun.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.