KAINGKUALAN 2:23 - Tanou Moonsoi Timugon

²³ Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'.

KAINGKUALAN 2:23 Iomraidhean Croise

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 4:10

Indagu boo Tuhan, “Kua kia baalo' mu baal makalalaa' ti? Raraa' ru boborok muno nampalaa Raki' intor ra tana', koson ra bolos ondo' mampalaa makitaak ra pakimasian.

NIGIMIA 9:9

“Nakakito Kou ra kinamatuaan mai naimbolo' giu' ra Misir; Nokorongog Kou ra piau nilo makiindangan giu' ra Raat Galaga.

AYUP 35:9

Paat ra ulun imboloon, mampalaa ilo; gumolok ilo makiindangan.

MAZMUR 102:1

Pakiasian ru sangulun naimbolo' am naagui, ondo' mampalaa ra Tuhan.

MAZMUR 102:2

Rongogo' noyo pakiasian kuno, iou Tuhan, rongogo' noyo pampiawan kuno makiindangan.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 18:6

Patayan ra makalalaa' no liminibung raki', am lobong napataan ra balatik sulungan kuno.

KAINGKUALAN 1:14

am nangkinibit ra kaayagan nilo naimbolo'. Kalo makaasi', jinajalan ulun ru Israil mangandoi ra maagat giu' ra projek-projek panambalayan am giu' ra umo-umo.

KAINGKUALAN 4:19

Paat ra lakat poyo i Musa giu' ra Midian, indagu Tuhan riso, “Saguli' no giu' ra Misir sabap ra ngaangai' ulun ondo' masaga' mamatoi rirun minatoi noyo.”

KAINGKUALAN 6:5

Naining ku noyo laa ru ulun ru Israil ondo' inulipon ru ulun ru Misir am nakara' Ku boo bantu' Kuli.

KAINGKUALAN 6:9

Pinasaboi ri Musa ngaangai' bala' no ra ulun-ulun ru Israil no, kaa' marara' ilo mangining ra ragu-ragu nano, sabap ra pangulipanan ra malaat no nangkinibit risilo malawo guang.

KAINGKUALAN 7:7

Umur ri Musa 80 ngambilor am i Arun 83 ngambilor paat ra ilo timinuum ra raja' ru Misir.

JISAYA 19:20

Altar am batu pangkaraan masauk ra tatandu' ratangan ru Tuhan Ondo' Maayo Kaga' Kuasa' giu' ra Misir. Paat ra ulun ru giu' no imboloon, am mampiau ilo ra Tuhan makiindangan, susubon No sangulun mongoi pamayag risilo.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

RINALATAN 7:30

“Pakasail apat ngoopor ngambilor, pulusat ru rondo' malaikat ra saang ri Musa ralalom bulungkut ondo' bibilak giu' ra tana' kaagisan, mamaar ra Gunung Sinai.

SAGULION 24:15

Moonong orou ra kalo poyo tumolop mato ru orou, gajiin io noyo tayar ru kandoi ra orou raginio. Makapakuan io ra gaji' no am malansan ra maapu' no. Amon kalo aniin min io ra gaji', mambala' io ra Tuhan intor akau, am raguon kau ra makatula.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.

1 SAMUIL 12:8

Paat ri Jakub am sasambaloi nano minongoi ra Misir, am paat ra ulun ru Misir nangimbolo' risilo, kinamatuaan nilai nampiau nakiindangan ra Tuhan. Ginio ra nanusub Tuhan ri Musa am i Arun koson naningganai risilo miningkual intor ra Misir, am niayuk nangindangan risilo liminayun ra pagun ragitio.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”