KAINGKUALAN 2:22 - Tanou Moonsoi Timugon

²² Naganak i Jipora ra sangulun anak ungkuyon. Indagu i Musa, “Aku ti ulun bansa' ru bokon ra pagun ti, ginio boo ra inggalanin ku anak ti i Girsom.”

KAINGKUALAN 2:22 Iomraidhean Croise

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

1 TUNUNG RU BANSA' ISRAIL 16:20

Timinanggau ilo intor ra pagun mongoi ra pagun, intor ra rondo' pamarintaan mongoi ra rondo' pamarintaan.

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

KAINGKUALAN 2:10

Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa, sabap ra inasakan ku io intor ra timug.”

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

KAINGKUALAN 4:20

Ginio ra nagibit i Musa ra andu' am anak-anak nano am posokoyo' no ilo ra kaladai am ongoi ra Misir. Inibit niayuk ri Musa jujuga' nano sumugut ra susuban ri Aki Kapuuno' riso.

IMAMAT 25:23

Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.

RINALATAN 7:29

Pakaining i Musa ra ragu ru ulun i, pagiru' io intor ra Misir am ayan ra pagun ru Midian. Buoi ra giu' i, nokoowot io ra ruo ngaulun anak ungkuyon.

TINGGANAI RU BANSA' 18:30

Giu' ra bandar no pinabigor nilo sinungkalalaing ondo' inibit nilono. Ilo pana napalantik ri Jonatan anak ri Girsom, akupu ri Musa koson imam nilo. Papag ri Girsom pana nasauk ra imam ru bansa' ru Dan saboi ra ulun ru Israil rinakop am pinatiran ra pagun ra bokon.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”