KAINGKUALAN 2:2 - Tanou Moonsoi Timugon

² Naganak boo ruandu' no ra sangulun anak ungkuyon. Kakito no ra mapara' bonsoi ru lalagang no, bunio' no lalagang no buoi talu ngansila'.

KAINGKUALAN 2:2 Iomraidhean Croise

2 RAJA'-RAJA' 11:3

Onom ngambilor buoi ri Josiba nagalung ri Joas am niayuk nampasibuni riso giu' ra Baloi ru Tuhan, liliwa' i Atalya mamarinta koson ra raja' ruandu'.

MAZMUR 112:5

Pakaansuk noyo ulun ondo' mataau am masaga' mampaira', am niayuk mabanis guang ralalom nansalinut kandoi.

KAINGKUALAN 6:20

I Amram nagandu' ri Jokgibid, boborok ruandu' ru ama' nano; anak nilo iono i Arun am i Musa. Naayag i Amram buoi 137 ngambilor.

UNTABAN 26:59

I Amram naguot ri Jokgibid, anak ruandu' ri Liwi. I Jokgibid inanak giu' ra Misir. I Amram am i Jokgibid makaanak ungkuyon ruo ngaulun, i Arun am i Musa, am sangulun anak ruandu' makainggalan ri Miriam.

RINALATAN 7:20

Paat ragili i Musa inanak. Io am maindon toojo. Inalungan io buoi ru talu ngambulan ru matuo nali.

SAGULION 33:16

Gama' ru mapanu' tana' nilo ra ngaangai' ondo' moonsoi, tana' ondo' barakaton ra kinoonsoi ru Tuhan, Io ondo' igondo' minindagu intor ra bulungkut ondo' bibilak. Gama' ru barakat-barakat ragitio pasasaron ra papag ri Jusup, sabap ra io tingganai ra gino ngai' ru pongkotob nano.

IBRANI 11:23

Sabap ra pangintapatan noyo, matuo ri Musa nampasibuni riso buoi talu ngambulan ra io naanak, sabap ra ilai' nilo ra moonsoi kaga' lalagang no. Am kalo nalaa' ilo gumula' ra susuban ru raja'.

1 SAMUIL 16:12

Ginio ra nanusub i Isai ra ulun minongoi pampiau ra anak pupusan nano. Io ti sangulun buayoi ondo' maindon, maligag am mato nano makasinda. Indagu Tuhan ri Samuil, “Gitio noyo ulun no. Pilio' noyo io!”