KAINGKUALAN 2:16 - Tanou Moonsoi Timugon

¹⁶ Imam giu' ra Midian, inggalan no i Jitro makaanak ra ruandu' tulu' ngaulun. Ratong katulu' ngaulun anak ruandu' ri Jitro mongoi sagou, am suangi' pambulian-pambulian ra timug koson painumon ra domba am kambing ru ama' nilo.

KAINGKUALAN 2:16 Iomraidhean Croise

KASAUKAN 14:18

Raja' Milkisidik raja' ru Salim am niayuk imam ri Aki Kapuuno' Ondo' Masawat Kaga' no, nagibit ra ruti' am wain koson pataakon ri Abram.

KASAUKAN 24:11

Pakasaboi io ra giu' no, powogo' no unta-unta no ra patanguson maar ra makatulubong ra liwar ru bandar. Mamai' noyo orou am paat raginio noyo pansagawan ru ruandu'-ruandu' ra timug intor ra tulubong.

KASAUKAN 24:13

Giti aku minigor mamaar ra tulubong ti. Sangkinolor poyo ralaa-ralaa ondo' intor ra bandar mongoi sagou ra timug.

KASAUKAN 29:2

Pulali' no nakakito ra tulubong ra limayak no, am talu ngantimungan domba nagupu' ra kiing no. Tulubong raginio papainuman ru ulun magagalung no ra domba nilo, am tiningkapan tulubong no ra batu maayo.

KASAUKAN 41:45

Inggalani' boo ru raja' no i Jusup ra rondo' inggalan ru Misir i Japnat-Paania, am anii' no i Jusup ra andu' i Asnat, anak ruandu' ri Potipira imam ru bandar Giliopolis. Umur ri Jusup talu ngoopor ngambilor paat io tumalimpuun mangandoi ra raja' ru Misir. Tatango' no istana ru raja' no am ongoi ra titikop ra tana' ru Misir no.

KAINGKUALAN 18:1

I Jitro, iwan ri Musa, imam giu' ra Midian, nakaining ra ngaangai' ondo' binaal ri Aki Kapuuno' tayar ri Musa am ulun ru Israil no paat ra Tuhan nagibit risilo miningkual intor ra Misir.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

KAINGKUALAN 3:1

Paat ragili nagalung i Musa ra domba am kambing ri Jitro iwan nano, imam giu' ra pagun ru Midian. Paat ra io magibit ra bibiag tinambiag no sumandaup ru tana' kaagisan, nakasaboi io ra Gunung Sinai, gunung ra matulai.