KAINGKUALAN 2:14 - Tanou Moonsoi Timugon

¹⁴ Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.”

KAINGKUALAN 2:14 Iomraidhean Croise

KASAUKAN 13:8

Indagu i Abram ri Lot, “Ito ti mabukat, kalo moonsoi amon ru mansasangor ulun-ulun muno am ulun-ulun kuno.

KASAUKAN 19:9

Kaa' indagu ilo ri Lot, “Pagiru'! Okou ulun bansa' ru bokon ragiti ondo' masaga' mangila' ramon? Ugar, Pagiru' no! Amon ru kalo, jojokon mai poyo pamakuan mai rirun intor ra ruo ngaulun no.” Juuli' nilo i Lot am sonsog ilo mapalunsai ra angob.

KASAUKAN 34:27

Kopongo namatayan no, ratong poyo anak-anak ungkuyon ri Jakub ra bokon am ingkauto' ondo' soroi ra bandar koson nansuli' ilo ra nanauyuan ra boborok nilono.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

UNTABAN 16:13

“Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

MATIUS 21:23

I Jisus siminaguli' boo ra Baloi Tuhan. Paat ra Io nangila', tingganai imam Jaudi am tingganai ru ulun ru Jaudi ratong Riso am pangkuot, “Atan kia ra kuasa' Muno mambaal ra ngaangai' ragitio? Osoi nangani' Rirun ra kuasa' ragitio?”

LUKAS 12:14

Indagu i Jisus riso, “Kua rirun ti, pai' ru Aku inanian ra kuasa' sumauk ra akim, kapoam mantayar ra rapu' patungkuson mino!”

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

LUKAS 19:27

Ilo ondo' nakimantula' raki', ondo' marara' ra aku saukon ra raja', rokopo' am potoyo' min ilo ngaangai' ra saang kutu!’ ”

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.

IBRANI 11:27

Sabap ra pangintapatan noyo, i Musa nagiru' intor ra pagun ru Misir am kalo nalaa' io ra sangit ru raja' Misir. Inorot no ayuk, koson ayuk ra nakito no noyo i Aki Kapuuno', Io ondo' kalo maalap kakito ru ulun.