KAINGKUALAN 2:10 - Tanou Moonsoi Timugon

¹⁰ Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa, sabap ra inasakan ku io intor ra timug.”

KAINGKUALAN 2:10 Iomraidhean Croise

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 4:25

I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit.

KASAUKAN 48:5

Tungguli' poyo ri Jakub, “Jusup, karuo ngaulun anak ungkuyon muno ondo' inanak ra Misir ra kalo poyo nakaratong aku ragiti, iloti aku ra ampu'. I Ipraim am i Manasi mogondo' koson ra anak ungkuyon kuno i Rubin am i Simion.

2 SAMUIL 22:17

Intor ra rasawat Tuhan nampatutui ra kalindu' Nano, nampaguut Io raki', am namunduk raki' miningkual intor ra timug ondo' malandom.

KAINGKUALAN 2:9

Indagu anak ruandu' ru raja' no riso, “Alapo' lalagang ti am patitio' raki', ayupin tokou.” Alapo' boo ru ruandu' no lalagang no am patitio' no.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

GALATIA 4:5

maa' raginio makapampalabus Io risilo ondo' mampagagaya' ra Ukum ri Musa ti, maa' raginio masauk takau koson ra anak ri Aki Kapuuno'.

IBRANI 11:24

Sabap ra pangintapatan noyo, ra i Musa nasukor, marara' io piawon ra anak ru anak ruandu' ru raja' Misir.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”