KAINGKUALAN 19:9 - Tanou Moonsoi Timugon

⁹ Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 19:9 Iomraidhean Croise

1 RAJA'-RAJA' 8:12

Kopongo raginio pakiasi' Raja' Salomo, “Iou Tuhan, Okou noposoroi ra mato ru orou giu' ra limbowon, kaa' masaga' Kou poyo mayan ra ralalom ru londom ru gaun.

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

2 TUNUNG RU BANSA' ISRAIL 6:1

Raja' Salomo pana pakiasi' boo, “Iou Tuhan, masaga' Kou poyo mayan ralalom ru kalandaman ru gaun.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

MAZMUR 99:7

Intor ra lugu' ru gaun, mindagu Io risilo, gumagaya' ilo ra ukum am panusuban ondo' pataakon Nano.

KAINGKUALAN 14:31

Pakakito ulun ru Israil ra nangala Tuhan ra ulun ru Misir ra kuasa' ondo' maayo, malaa' ilo ra Tuhan; mangintopot ilo ra Tuhan am ulipon Nano i Musa.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 20:21

Kaa' ulun raginilo lakat poyo migor maalur intor ra giu' no, am i Musa ayuk mininggaar ra gaun makapal intok i Aki Kapuuno' minatong.

KAINGKUALAN 34:5

Tuun Tuhan ralalom ru gaun; bigor Io am i Musa ra intok raginio am nanabit ra inggalan Nano ondo' matulai, iono Tuhan.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

UNTABAN 12:5

am tuun boo Tuhan ralalom lugu' ru gaun am bigor giu' ra kulobon ru Kim ru Tuhan, am pampiau, “Arun! Miriam!” Jalai ilo karuo-ruo,

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MARKUS 9:7

Ratong boo gaun nangulumput risilo am intor ra ralalom ru gaun no norongog nilo bolos: “Gitio noyo Anak Kutu ondo' tagamin Kutu, rongogo' min Io!”

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

SAGULION 4:10

intor ra orou raginio, paat akau minigor giu' ra saang ru Tuhan i Aki Kapuuno' min giu' ra Gunung Sinai. Paat raginio minindagu Io raki', ‘Timungo' ngaangai' ulun ragitio. Masaga' aku risilo rumongog ra bala' Kuno maa' raginio migila' ilo gumagaya' Raki' sabuoi ru bayag, am maa' raginio mangila' ilo ra anak-anak nilo koson gumagaya' Raki'.’

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.