KAINGKUALAN 19:8 - Tanou Moonsoi Timugon

⁸ Taam ngaangai' ulun no ra nagagampan, “Baalon mai ngaangai' ondo' rinagu ru Tuhan.” Pabalaa' ri Musa baal ragitio ra Tuhan.

KAINGKUALAN 19:8 Iomraidhean Croise

NIGIMIA 10:29

minaya' ra tingganai-tingganai mai am nagibot ra maayag akai sumugut ra ukum ri Aki Kapuuno' ondo' tinaakan Nano ondo' pinabala' galing ri Musa. Magibot akai koson gumagaya' ra ngaangai' susuban ondo' tinaakan ramon ru Tuhan, iono Tuhan mai; nagibot akai koson gumagaya' ra ngaangai' ukum am aturan Nano.

KAINGKUALAN 20:19

Konilo ri Musa, “Amon ru mindagu kou ramon, iningon mai. Kaa' amon ru mindagu i Aki Kapuuno' ramon, matoi akai.”

KAINGKUALAN 24:3

Ugar i Musa am pambala' ra ulun no ra ngaangai' susuban am aturan ru Tuhan. Taam ngaangai' ulun ra nagagampan, “Baalon mai ngaangai' ondo' rinagu ru Tuhan.”

KAINGKUALAN 24:7

Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

JOSUA 24:21

Taam ulun raginio, “Kalo. Magulayun akai mangandoi ayuk ra Tuhan.”

JOSUA 24:24

Indagu boo ulun-ulun raginio ri Josua, “Mangandoi akai ayuk ra Tuhan i Aki Kapuuno' takau. Gagayaan mai susuban Nano.”