KAINGKUALAN 19:6 - Tanou Moonsoi Timugon

⁶ Masauk kau ra ulun ondo' patimpokon Raki' galama', am mangandoi kau ayuk Raki' koson ra imam.”

KAINGKUALAN 19:6 Iomraidhean Croise

1 RAJA'-RAJA' 3:8

Soroi aku ra gino ngai' ru bansa' ondo' pinili' Muno masauk ra ulun Muno galama' – rondo' ra ulun ondo' masuang kaga' no saboi kalo maalap ra untob.

1 RAJA'-RAJA' 8:53

Nampili' Kou risilo intor ra ngaangai' bansa' koson masauk ra ulun Muno galama'; ginio noyo ragu Muno risilo mansail ra ulipon Muno i Musa, paat ra Okou nagibit ra kinamatuaan maili miningkual intor ra Misir.”

1 TUNUNG RU BANSA' ISRAIL 17:22

Pinasauk Mu Israil ra ulun Muno galama' ra sabubuoi no. Okou, iou Tuhan, masauk ri Aki Kapuuno' nilo.

MAZMUR 114:2

i Jiuda nasauk ra ulun longgom ru Tuhan, am Israil masauk ra longgom Nano.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 22:31

“Akau noyo ulun Kuno. Ginio ra kalo makaakan kau ra kual ru atan pana bibiag ondo' minatoi ra sinaam ru bibiag masigo; taaki' ra uku' kual no.”

KAINGKUALAN 28:36

“Baalo' noyo rondo' bubunga' intor ra mas kopoyo am tulisi' ra ragu, ‘Patimpokon ra Tuhan’ ra bubunga' no.

JISAYA 43:4

Pataakon Ku ngaangai' bansa' koson suali ru painawo mino, sabap ra akau mologo ra guang Kuno, am sabap ra Aku monogom am niayuk mampagagaya' ramuyun.

JISAYA 61:6

Piawon kau koson ra imam-imam ru Tuhan, koson ra ulipon ri Aki Kapuuno' takau. Makasia' kau ra kinalangkayaan ru bansa'-bansa', am mamanggo makaalap ra kinalangkayaan no.

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JISAYA 66:21

Santayaran risilo no pasaukon Ku ra imam am ulun ru Liwi.

JIRIMIA 13:11

Koson ra tapi' mariwa' naigot ra awak ru nantapi' no, koon raginio noyo kuayan Kuno ra ulun ru Israil am Jiuda maa' raginio maigot Raki'. Koon raginio boo ra ilo masauk ra ulun Kuno am mamparatong ra ompor am urumat ra inggalan Kuno. Kaa' marara' ilo gumagaya' Raki'.”

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

IMAMAT 20:24

Kaa' binantu' Ku noyo ra manaak ramuyun ra pagun ondo' langkaya' am malabung no. Masauk pagun no longgom min. Aku noyo Tuhan i Aki Kapuuno' min ondo' napatuliar ramuyun intor ra bansa'-bansa' ra bokon.

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

IMAMAT 21:23

Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

1 KORINTUS 3:17

Osoi ayuk mampalunsai ra baloi ri Aki Kapuuno', io pana lunsayon ri Aki Kapuuno'. Sabap ra matulai toojo ayanan ri Aki Kapuuno' am akau noyo ayanan Nano.

SAGULION 14:21

“Pai' pangakan ra bibiag ondo' minatoi ra kaindalaman. Kual ru bibiag no maakan ru ulun bansa' ru bokon ondo' minayan ramuyun, kapoam talanon ra ulun bansa' ru bokon. Kaa' akau longgom ru Tuhan i Aki Kapuuno' min; akau ulun Nano. Pai' tonoko' anak domba kapoam anak kambing ralalom ru gatas ru ina' nano.”

SAGULION 26:19

Mapasauk Io ramuyun ra mauligan kaga' poyo intor ra ngaangai' bansa' ra bokon ondo' sinauk Nano, am omporon am urumaton kau. Masauk kau ra ulun Nano, koson ondo' binantu' Nano.”

SAGULION 28:9

Amon ru gumagaya' kau ra Tuhan i Aki Kapuuno' min am mambaal ra ngaangai' panusuban Nano, mapasauk Io ramuyun ra ulun Nano galama' koson ondo' binantu' Nano.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

1 TISALONIKA 5:27

Mabaya' ra kuasa' ru Tuhan, kitaakon takamin maa' raginio surat ti pabasaan ra ngaangai' pabukat Kristian.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 20:6

Pakaansuk no ulun ondo' paayaan bayagon saguli' ra kasaa' ti. Kapatayan karuo kalo manguasa' risilo. Masauk ilo boo ra imam ri Aki Kapuuno' am ri Kristus, am mamarinta ilo mababaya' Riso buoi saribu ngambilor.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”