KAINGKUALAN 19:16 - Tanou Moonsoi Timugon

¹⁶ Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 19:16 Iomraidhean Croise

2 SAMUIL 22:10

Lapako' No limbowon am tuun mabaya' ra gaun molondom ra ragana' ru kalayam Nano.

AYUP 38:25

Osoi kia ondo' mangkali ra parit tayar ru rasam maawas, am manampos ra ralan ra tayar ru tingkalur am ganit?

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

MAZMUR 77:18

Gaun mapawas ra rasam; tingkalur kumuruntung ra limbowon, am timpalak sakurilop ra ati-ati ayuk intok.

MAZMUR 81:8

Bulintok ra akau makakapaganan, mampiau kau Raki', am Aku pana mamayag ramuyun. Intor ra intok pansibunian Kuno ra ralalom ru gaun ru ganit, iowon Ku kinitaak mino; giu' ra taur ru timug Miriba nangkinam Aku ramuyun.

MAZMUR 97:4

Ganit Nano makatampulau ra tana' ti; tana' ti monontol magilong ra sinda Nano.

KAINGKUALAN 19:11

am mopongo ra orou malaas. Paat ra orou raginio tumuun Aku ra Gunung Sinai. Giu' no moonong ulun makakito Raki'.

KAINGKUALAN 19:15

indagu boo i Musa risilo, “Tampos kano ra orou malaas, am liliwa' ragitio kalo parulugon kau.”

KAINGKUALAN 19:17

Nagibit i Musa risilo mingkual intor ra pangkiman koson mongoi tuum ri Aki Kapuuno', am bigor ilo ra lonson toojo ru gunung.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

KAINGKUALAN 20:21

Kaa' ulun raginilo lakat poyo migor maalur intor ra giu' no, am i Musa ayuk mininggaar ra gaun makapal intok i Aki Kapuuno' minatong.

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

KAINGKUALAN 9:23

Ginio ra kakato' ri Musa jujuga' nano tampilon ra limbowon, am porotongo' ru Tuhan tingkalur am rasam batu; ganit pana nakatiu' ra tana'. Naparatu' Tuhan ra

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

SAGULION 5:5

Paat ragili nasauk aku ra mampasuku' min am Tuhan koson mampasaboi ra ragu Nano ramuyun, sabap malaa' kau ra apui no am kalo masaga' magaloi ra gunung. Indagu Tuhan,

IBRANI 12:21

Ngaangai' ru ginio makalalaa' toojo, saboi i Musa pana minindagu ra: “Nonontol aku ra laa'!”

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 4:1

Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.