KAINGKUALAN 19:10 - Tanou Moonsoi Timugon

¹⁰ Indagu Tuhan riso, “Ongoi noyo tuum ra ulun raginilo am susubo' ilo migimpasau ra orou raiti' am susuab no. Musiti' ilo mampupu' ra bayang nilo

KAINGKUALAN 19:10 Iomraidhean Croise

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

2 SAMUIL 19:24

Kopongo raginio, i Mipibosit, akupu ru Raja' Saul minongoi uma' ra raja'. Kalo igondo' io nambagu' ra kalayam, kapoam nangaur ra jangut, kapoam nampupu' ra konoon intor ra raja' nangiruan ra Jirusalim saboi ra raja' siminaguli' ra matanda'.

2 TUNUNG RU BANSA' ISRAIL 29:34

Sabap ra imam ondo' namasau ra inan sanganu ayuk kaga' suang nilo koson manimbalui ra ngaangai' bibiag no, nangindangan ulun-ulun ru Liwi risilo saboi kandoi no nopongo. Ulun-ulun ru Liwi giminagaya' poyo toojo ra aturan ru pamasawan, am narayus ilo nangindangan saboi naukop imam ondo' mamasau ra inan.

2 TUNUNG RU BANSA' ISRAIL 29:5

Raja' Gijkia minindagu risilo ra giu' no. Kono, “Akau ulun ru Liwi musiti' patimpokon inan ra tayar ru Tuhan am mamasau ra Baloi ru Tuhan, i Aki Kapuuno' min. Patiri' noyo ngaangai' kuliamos ondo' mampajamol ra Baloi ru Tuhan.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

IMAMAT 15:5

Osoi ayuk mangambong ra katil ru ungkuyon ondo' nangingkual ra timug no,

UNTABAN 11:18

Raino balai' ulun ru Israil, ‘Pangimpasau kau ra inan tayar ru susuab no, sabap makaakan kau ra kual. Norongog noyo ru Tuhan ra akau nambutok am minindagu ra matiakan kau kaga' ra kual, am ra baal min moonsoi poyo paat giu' ra pagun ru Misir. Raino manaak Tuhan ramuyun ra kual am musiti' kau mangakan ra kual no.

UNTABAN 19:19

Ulun ondo' kalo majamol no musiti' mapatakis ra timug no ra ulun ondo' majamol, paat ra orou katalu am ra orou katulu'. Paat ra orou katulu', maampus upacara pamasawan ra ulun majamol no. Ulun no musiti' mampupu' ra bayang nano am mariu'. Intor ra paat tumolop mato ru orou masauk ulun no ra mapasau.

UNTABAN 31:24

Paat ra orou ra katulu', akau musiti' mampupu' ra bayang. Bagu no kalo majamol kau, am makaumpos kau ralalom ru pangkiman.”

UNTABAN 8:21

Nangimpasau ulun ru Liwi ra inan am nampupu' ra bayang nilo, am patimpokon ilo ri Arun tayar ru taak luntukon ra Tuhan. Napaugar niayuk i Arun ra upacara pamasawan risilo.

UNTABAN 8:7

ra ralan ragitio: patakison risilo timug koson mamasau risilo, am susubon ilo sukurin ngaangai' inan am mampupu' ra bayang nilo. Koon raginio noyo ilo masauk ra mapasau.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

JOSUA 3:5

Indagu i Josua ra ulun raginio, “Impasawi' min inan mino sabap ra susuab no mambaal Tuhan ra kaimuagan ra tatanga' min.”

JOSUA 7:13

Sukal no! Kapasawo' noyo ulun raginio am susubo' ilo tumampos muma' Raki'. Susubo' ilo tumampos muma' Raki' ra susuab no sabap Aku Tuhan am i Aki Kapuuno' ru ulun ru Israil mindagu, ‘Akau ulun ru Israil, soroi ramuyun santayaran ra kuliamos ondo' sotopot no pusoon sumugut ra susuban Kuno. Kalo makapangala kau ra pantula' ra kalo poyo mapatiran min kuliamos-kuliamos raginio.’

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

1 SAMUIL 16:5

Taam i Samuil, “Iou. Aku minatong ti koson mapataak ra taak simbalui ra Tuhan. Impasawi' min inan mino am baya' kau raki'.” Nanusub io niayuk ri Isai am anak-anak nano mangimpasau ra inan, am nampiau risilo mongoi ra upacara mapataak ra taak simbalui no.