KAINGKUALAN 18:11 - Tanou Moonsoi Timugon

¹¹ Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 18:11 Iomraidhean Croise

1 RAJA'-RAJA' 17:24

Kon ru ruandu' napuor no, “Raino bagu aku makapandai ra okou ti sangulun ulipon ri Aki Kapuuno' am ra Tuhan topot-topot minindagu pinabala' galing rirun.”

2 RAJA'-RAJA' 5:15

I Naaman nabaya' ra ngaangai' ru namaya' riso no siminaguli' ri Ilisa. Kon ri Naaman, “Raino nakapandai aku ra rondo' ayuk i Aki Kapuuno' ra titikop ru tana' ti, iono i Aki Kapuuno' ru Israil. Kasaga' no mangapu ra taak kutu.”

1 TUNUNG RU BANSA' ISRAIL 16:25

Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.

2 TUNUNG RU BANSA' ISRAIL 2:5

Mangatang aku koson mambaal ra rondo' baloi sambayangan ondo' matulai, sabap i Aki Kapuuno' mai matulai poyo intor ra tuhan-tuhan ra bokon.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

NIGIMIA 9:16

Kaa' kinamatuaan mai bambalingatan am malilimbau, kalo giminagaya' ilo ra susuban Muno.

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

MAZMUR 119:21

Sawayon Muno ulun ondo' malilimbau; am magulas ra ulun ondo' kalo gumagaya' ra panusuban Muno.

MAZMUR 135:5

Nakapandai aku ra Tuhan takano makakuasa'; makakuasa' Io toojo ka tuhan ra bokon.

MAZMUR 31:23

Malaa' aku ra indoson ku ru manginggalar Tuhan no raki' ra intok ratangan Nano. Kaa' rinongog No nampiawan kuli, paat ra aku makiindangan Riso.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

MAZMUR 97:9

Iou Tuhan Ondo' Maayo Kaga' Kuasa', Okou noyo namarinta ra titikop ru tana' ti; Okou noyo makakuasa' ka ngaangai' ru dewa.

KAINGKUALAN 1:10

Amon ru makamasauk pangayawan, maaru' lair magamung ilo ra pantula'-pantula' koson manggal ritakau am magiru' manatang ra pagun ti. Musiti' takau maguyum ra ralan koson suang nilono kalo boo rumuang.”

KAINGKUALAN 1:16

Kon ru raja' ru Misir, “Paat ra akau mangindangan ra ruandu' Ibrani maganak, karaa' gitio: Amon ru lalagang ungkuyon, potoyon min io. Amon ru lalagang ruandu', polosoon min io maayag.”

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

KAINGKUALAN 14:18

Paat ra kalaan Ku ilo, makapandai ulun ru Misir ra Aku noyo Tuhan.”

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 5:7

“Pai' anii' bansa' raginilo ra rami mambaal ra batu bata. Polosoon ilo galama' maguyum.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

UNTABAN 33:4

ondo' paat raginio tatanga' mompolobong ra anak ungkuyon katuaan nilo ondo' pinatoi ru Tuhan. Koson raginio noyo Tuhan nanulu' ra makakuasa' Io poyo intor ra tuhan-tuhan ru ulun ru Misir.

LUKAS 1:51

Mampakito Io ra kuasa' Nano am mampatuliar ra ulun-ulun mangasumbung.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.