KAINGKUALAN 18:1 - Tanou Moonsoi Timugon

¹ I Jitro, iwan ri Musa, imam giu' ra Midian, nakaining ra ngaangai' ondo' binaal ri Aki Kapuuno' tayar ri Musa am ulun ru Israil no paat ra Tuhan nagibit risilo miningkual intor ra Misir.

KAINGKUALAN 18:1 Iomraidhean Croise

MAZMUR 105:43

Ginio niayuk ra Io naningganai ra ulun pinili' Nano mingkual; maririmbai ilo maansukan am magitapap ra longon.

MAZMUR 105:5

Akau papag ri Abragam, ulipon Nano, am papag ri Jakub, ulun pinili' Nano, karaa' noyo kaimuagan binaal ri Aki Kapuuno', pai' liliani' ragu kapatasan ra pinataak Nano.

MAZMUR 106:2

Osoi kia makapantunung ra baal maayo ondo' binaal ru Tuhan? Osoi kia mokopongompor Riso ra sotopot-topot no?

MAZMUR 34:2

Kalo putatin ku maringkuanang ra Tuhan; am kalo langgain ku mongompor Riso.

MAZMUR 44:1

Mazmur bansa' ri Kora. Sisindiron. Ra tingganai maririmbai.

MAZMUR 78:4

Kalo pasibunion takau ginio intor ra anak-anak takau, pabalaan takau ra papag ra rumatong no koson kuasa' ru Tuhan am baalon No ra maatang kaga', am niayuk binaal ra makaimuag kaga' ondo' binaal Nali.

KAINGKUALAN 2:16

Imam giu' ra Midian, inggalan no i Jitro makaanak ra ruandu' tulu' ngaulun. Ratong katulu' ngaulun anak ruandu' ri Jitro mongoi sagou, am suangi' pambulian-pambulian ra timug koson painumon ra domba am kambing ru ama' nilo.

KAINGKUALAN 2:18

Pakauli' ralaa-ralaa no, pangkuot ama' nilo, “Kua mataki' kaga' akau minuli' orou raiti'?”

KAINGKUALAN 2:21

Nangiou boo i Musa mayan ra giu' no. Paganduo' ri Jitro anak ruandu' nano, i Jipora ri Musa.

KAINGKUALAN 3:1

Paat ragili nagalung i Musa ra domba am kambing ri Jitro iwan nano, imam giu' ra pagun ru Midian. Paat ra io magibit ra bibiag tinambiag no sumandaup ru tana' kaagisan, nakasaboi io ra Gunung Sinai, gunung ra matulai.

KAINGKUALAN 4:18

Kopongo raginio saguli' i Musa ra baloi ri Jitro iwan nano ra ungkuyon. Indagu i Musa riso, “Iowo' aku no rumuli' ra pabukat-pabukat kuno giu' ra Misir, mongoi pagilong ru lakat poyo kia naayag ilo.” Nangiou i Jitro am pamintor ri Musa.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

UNTABAN 10:29

Indagu i Musa ra lango' nano i Gobab anak ri Jitro, ulun ru Midian no, “Mugar akai mongoi ra intok ondo' kon ru Tuhan paat Io minindagu ra manaak raginio ramon. Nambantu' Io noyo ra baal ondo' moonsoi ra ulun ru Israil. Ginio ra baya' ramon am moonsoi akai rirun.”

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

ROMA 15:18

Makakau' aku ayuk mambala' ra atan ondo' binaal ri Kristus ralalom kaayagan kuno ra maningganai ra ulun sala' ka Jaudi gumagaya' ri Aki Kapuuno'. Ginio nasauk ralalom ru atan ondo' rinagu am binaal kuno,

JOSUA 2:10

Nokorongog akai ra kinapua' ru Tuhan Raat Galaga giu' ra saang min paat akau nangiruan ra Misir. Nokorongog akai niayuk ra namatoi kau ra Raja' Sigon am Raja' Og, ruo ngaulun raja' ru bansa' ru Amori tampilon ra sirangon ru Sungoi Jordan.

JOSUA 9:9

Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,

TINGGANAI RU BANSA' 1:16

Papag ru iwan ra ungkuyon ri Musa, iono ulun ru Kini, minugar nababaya' ra bansa' ru Jiuda intor ra Jiriko, bandar ru puun kurma. Ilo pana minongoi ra tana' mapua' giu' ra tampilon rabugus ru Arad ra wilayah ru Jiuda. Minayan ilo ra giu' no ra gino ngai' ru ulun ru Amalik.

TINGGANAI RU BANSA' 4:11

Liliwa' raginio, i Gibir, ulun ru Kini ondo' namingkal ra kim nano mamaar ra Kidis, mamaar ra puun oak giu' ra Jaanaim. I Gibir iono papag ri Gobab, lango' ri Musa, kaa' siminuai i Gibir intor ra bansa' nano.