KAINGKUALAN 17:4 - Tanou Moonsoi Timugon

⁴ Pakiasi' toojo i Musa ra Tuhan am indagu, “Atan boo musiti' kuno baalon ra ulun ragitilo? Masaga' ilo mombobol raki'.”

KAINGKUALAN 17:4 Iomraidhean Croise

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 14:15

Indagu Tuhan ri Musa, “Kua pampalaa kou makiindangan? Susubo' noyo ulun ru Israil marayus mugar.

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

UNTABAN 11:11

Indagu i Musa ra Tuhan, “Kua kalo moonsoi pamakuan Muno raki'? Kua kalo masaga' Kou raki'? Kua taaki' Mu ra pinalansan raki' ngaangai' ulun ti?

UNTABAN 14:10

Ngaangai' ulun ru Israil mopololob koson momobol ri Josua am i Kalib saboi matoi, kaa' pulali' ru ulun no nakakito ra sinda katulayan ru Tuhan siminalula' ra rasawat ru Kim Nano.

UNTABAN 16:19

Timungo' boo ri Kora ngaangai' ulun, am bigor ilo timiningkuang ri Musa am i Arun giu' ra kulobon ru Kim ru Tuhan. Pulali' ru sinda katulayan ru Tuhan nakito ru ngaangai' ulun.

JUANIS 10:31

Sabap raginio, tingganai ru ulun ru Jaudi no nanganam ra batu koson momobol ri Jisus.

JUANIS 8:59

Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 7:50

Sala' ka kia Aku nambaal ra ngaangai' ti?’ Ginio noyo ragu ri Aki Kapuuno'.

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.