KAINGKUALAN 16:8 - Tanou Moonsoi Timugon

⁸ Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

KAINGKUALAN 16:8 Iomraidhean Croise

KAINGKUALAN 16:12

“Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 16:9

Indagu i Musa ri Arun, “Susubo' ilo ngaangai' matong muma' ra Tuhan, sabap ra naining No noyo butok nilo.”

KAINGKUALAN 17:2

Mambubutok ilo ri Musa am indagu, “Anii' akai no ra timug inumon.” Taam i Musa, “Kua pambubutok kau? Kua pangkinam kau ra Tuhan?”

JISAYA 32:6

Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

UNTABAN 11:18

Raino balai' ulun ru Israil, ‘Pangimpasau kau ra inan tayar ru susuab no, sabap makaakan kau ra kual. Norongog noyo ru Tuhan ra akau nambutok am minindagu ra matiakan kau kaga' ra kual, am ra baal min moonsoi poyo paat giu' ra pagun ru Misir. Raino manaak Tuhan ramuyun ra kual am musiti' kau mangakan ra kual no.

UNTABAN 14:27

“Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!

UNTABAN 21:7

Ratong ulun ru Israil ri Musa am indagu, “Makatula akai paat akai nambubutok ra Tuhan am okou. Pakiasi' no ra Tuhan maa' raginio kukuo-kukuo ti painggaluron intor ramon.” I Musa pana pakiasi' ra Tuhan ra tayar ru ulun no.

MATIUS 10:40

“Osoi ayuk ondo' mangapu ramuyun, Aku niayuk apuon no, am osoi ayuk ondo' mangapu Raki', Io ondo' nanusub Raki' ti noyo ondo' apuon nano.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

JUANIS 13:20

Balain takamin toojo: Osoi ayuk mangapu ra ulun sinusub Kuno, Aku pana apuon no. Am osoi ayuk mangapu Raki', apuon no niayuk Io ondo' nanusub Raki'.”

ROMA 13:2

Ginio nai ra osoi ayuk manggal ra parinta no, manggal io niayuk ra ondo' inaru' ri Aki Kapuuno'. Osoi mambaal raginio maukuman ri Aki Kapuuno'.

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

1 SAMUIL 8:7

Indagu Tuhan riso, “Suguto' noyo ngaangai' ru kitaakon nilono. Sala' ka okou ondo' impayin nilono; sotopot no, Aku ti noyo raja' nilo ondo' impayin nilono.