KAINGKUALAN 16:34 - Tanou Moonsoi Timugon

³⁴ Pabantaa' ri Arun rarapu' no ra saang ru Kaban Nabantuan ra buliin, sumugut ra susuban ru Tuhan ri Musa.

KAINGKUALAN 16:34 Iomraidhean Croise

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 25:21

Pabantaa' karuruo batu pamatikan no ra ralalom Kaban, am taubin Kaban no ra panaub no.

KAINGKUALAN 25:16

Musiti' min pabantaan boo karuo-ruo batu pamatikan ondo' pataakon Kuno ramuyun ralalom ru Kaban; batu raginilo makatinulisan ra susuban no.

UNTABAN 17:10

Indagu boo Tuhan ri Musa, “Pabantaa' saguli' jujuga' ri Arun giu' ra saang ru Kaban Nabantuan. Jujuga' no musiti' buliin koson ra papakaraan ra ulun ru Israil ondo' masaga' gumuor, ra matoi ilo amon ru kalo lumonggo' ilo mambutok.”

KAINGKUALAN 40:20

Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 30:36

Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 30:6

Pabantaan altar ti ra liwar ru tabir ondo' patairon ra saang ru Kaban Nabantuan, intok Kuno tumuum rirun.

1 RAJA'-RAJA' 8:9

Kaban Nabantuan sinuangan ayuk ra ruo batu ondo' pinabanta' ra giu' no ri Musa, giu' ra Gunung Sinai ragili, paat ra Tuhan nambaal ra nabantuan Nano ra ulun ru Israil, kalupus ilo miningkual intor ra Misir.

SAGULION 10:5

am tuun aku intor ra gunung. Koson ra nanusuban ru Tuhan, pinabanta' ku batu tulis no giu' ralalom ru kaban ondo' binaal kuli. Binulian batu tulis no giu' ralalom kaban intor ragili saboi raino.” (

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 1:50

Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

KAINGKUALAN 38:21

Gitio noyo suang ru basi' ondo' pakayon ralalom Kim ru Tuhan, intok ru ruo batu pamatikan ondo' tinulisan ra Mopor Ukum no binulian. Suang no binaal maya' ra susuban ri Musa am tinampos ru ulun ru Liwi, ondo' nangandoi ra tiningganai ri Itamar, anak ri Imam Arun.