KAINGKUALAN 16:12 - Tanou Moonsoi Timugon

¹² “Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 16:12 Iomraidhean Croise

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

MAZMUR 105:40

Makitaak ilo ra akanon, am inataran No susuit tantarau, binasug ilo ra ruti' intor ra limbowon.

KAINGKUALAN 12:6

Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

KAINGKUALAN 16:11

Indagu Tuhan ri Musa,

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 7:17

Ginio ra indagu Tuhan ra makapandai kou raja' ra osoi Tuhan no intor ra atan ondo' binaal Nano. Ilai' noyo, lambaan ku timug ru sungoi ra jujuga' ti, am makulau timug no sumauk ra raraa'.

JIRIMIA 31:24

Mayan ulun giu' ra Jiuda am giu' ra ngaangai' ru bandar nano. Giu' no mokoondo' ra ulun magitanom, am ulun magagalung am ra bibiag tinambiag nilo.

YEHEZKIEL 34:30

Ngaangai' ulun makapandai boo ra Aku nanindung ra Israil, am ilo ulun Kuno. Aku, Tuhan Raja' nakaindagu noyo.

YEHEZKIEL 35:13

Nokorongog Aku ra ngaangai' pagasaban min Raki'.”

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

UNTABAN 11:4

Ralalom pangkiralanan ru ulun ru Israil, mokoondo' niayuk santayaran ulun bansa' bokon ra popolos nilo. Matiakan kaga' ulun bansa' bokon no ra kual, am tumalimpuun boo ulun ru Israil mambutok, “Mapara' bonsoi no amon ru makaakan takau ra kual.

UNTABAN 14:27

“Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!