KAINGKUALAN 15:3 - Tanou Moonsoi Timugon

³ Tuhan noyo mapanggol tumula', Tuhan noyo inggalan Nano.

KAINGKUALAN 15:3 Iomraidhean Croise

MAZMUR 24:8

Osoi kia Raja' ra matulai no? Io noyo Tuhan ondo' mapanggol kaga', Tuhan ondo' natikop ra kuasa', ondo' namanang ra pangayawan.

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

KAINGKUALAN 14:14

Ra akau noyo Tuhan ondo' makimagula'. Kalo pana mambaal kau ra atan-atan.”

KAINGKUALAN 14:25

Nangkinibit Io ra luda' ru kurita' kuda nilo maimpong saboi mapagon mugar. Indagu ulun ru Misir, “Sumumbung Tuhan ra ulun ru Israil koson manggal ritakau. Ibok no pagiru' takau intor ragiti!”

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 3:14

Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JIRIMIA 33:2

Tuhan, ondo' namingkal ra tana' ti am inangun toojo am niayuk pinaatang ra intok no, minindagu raki'. Io ondo' ininggalanan ra Tuhan minindagu,