KAINGKUALAN 15:18 - Tanou Moonsoi Timugon

¹⁸ Okou, iou Tuhan masauk ra raja' ra sabuoi-buoi no.”

KAINGKUALAN 15:18 Iomraidhean Croise

KASAUKAN 21:33

Pantanom boo i Abragam ra puun tamariska ra Birsyiba am intok sambaan nano ra Tuhan i Aki Kapuuno' ondo' mantilayun.

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 146:10

Tuhan noyo raja' ra sabuoi-buoi no. I Aki Kapuuno' muno, okou Sion, mamarinta ra sabuoi-buoi no. Omporo' noyo Tuhan!

MAZMUR 29:10

Mamarinta Tuhan ra raat ondo' malandom; mamarinta Io koson ra raja' ra sabuoi-buoi no.

MAZMUR 9:8

Kaa' Tuhan noyo mamarinta ra sabubuoi no; am binaal No panturungan Nano koson mangakim ra tana' ti.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

SAGULION 33:5

Masauk Tuhan ra raja' ru Israil, ulun Nano paat ra bansa'-bansa' ru Israil natitimung nabaya' ra tingganai-tingganai nilo.