KAINGKUALAN 15:16 - Tanou Moonsoi Timugon

¹⁶ Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

KAINGKUALAN 15:16 Iomraidhean Croise

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

MAZMUR 105:38

Bansa' ru Misir malaa' ra ulun ru Israil, ginio ra ilo maansukan bulintok ra ulun ru Israil mugar.

MAZMUR 74:2

Karaa' noyo ulun ra pinili' Muli intor ra galing, bansa' ra pinalabus Muli intor ra pangulipanan koson masauk ra ulun Muno. Karaa' noyo Bulur Sion, inayanan Muno ra galing i.

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

KAINGKUALAN 11:7

Kaa' intor ra tayar ru ulun ru Israil, ulun kapoam bibiag kalo jojowon. Raginio boo, makapandai kou ra Aku, Tuhan, mapasuai ra ulun ru Misir am ulun ru Israil.’ ”

KAINGKUALAN 15:13

Naningganai Kou ra ulun ondo' binayag Muno, sabap ra gagaya' Muno ra bantu' Muno. Ra ikang Muno ondo' maayo, naningganai Kou risilo mongoi ra tana' Muno ondo' matulai.

KAINGKUALAN 15:5

Raat ondo' napalinjob risilo, nolosor ilo ra lonor ru raat koson ra batu.

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

KAINGKUALAN 18:8

Nambala' i Musa ri Jitro ra ngaangai' ondo' binaal ru Tuhan ra raja' am ulun ru Misir koson mamayag ra ulun ru Israil. Nambala' io niayuk ri Jitro ra kapaganan ondo' mauma' nilo ralalom pangkiralanan am ati kulaan ilo binayag ru Tuhan.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 23:20

“Manusub Aku ra malaikat Kuno sumigulu ramuyun koson mangampin ramuyun ralalom pangkiralanan am magibit ramuyun ra intok ondo' tinampos Ku noyo.

KAINGKUALAN 23:22

Kaa' amon ru gumagaya' kau riso am mambaal ra ngaangai' susuban Kuno, mangayou Aku gumula' ra ngaangai' pantula' mino.

KAINGKUALAN 23:27

“Saukon Ku bansa' ondo' manggal ramuyun malaa' Raki'. Maparatong Aku ra kaubangan ra bansa' gulaan mino, am mangkinibit Aku ra ngaangai' pantula' tumalikur am magiru' intor ramuyun.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JIRIMIA 31:11

Pinalabus Ku noyo ulun ru Israil, am namayag risilo intor ra bansa' ondo' maikang.

YEHEZKIEL 16:8

“Paat ra Aku nansail poyo, nakaliman Aku ra paat muno koson makakubayau nasaboi noyo. Sinilian Ku inan muno ondo' nagibabaang no ra sukub Kuno. Nambantu' Aku motogom rirun am nambaal Aku ra nabantuan paguatan rirun maa' raginio okou masauk ra Aku tatangan.” Koon raginio noyo ragu ru Tuhan Raja'.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

SAGULION 11:25

Ati ayuk angayan min giu' ra tana' no, Tuhan i Aki Kapuuno' min mangkinibit ra ulun malaa' ramuyun koson ra binantu' Nano; kolondo' sangulun pana makapanginga' ramuyun.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

SAGULION 2:4

Nanusub Io raki' manaak ra panuluan ragitio ramuyun, ‘Kalo boo mabuoi mumpos kau ra intok kabuluran ru pagun Idom, wilayah ru pabukat mino, iono papag ri Isau. Malaa' ilo ramuyun kaa' kalo iowon kau

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

SAGULION 32:9

kaa' papag ri Jakub pinili' ru Tuhan tayar Nano galama'.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

JOSUA 2:9

am indagu risilo, “Nakapandai aku ra nanaak noyo Tuhan ramuyun ra tana' ragitio. Ngaangai' ulun ra pagun ti malaa' ramuyun.

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.

1 SAMUIL 25:37

Suabon no ra iosusuab, paat ra natabinaasan i Nabal, nantunung i Abigail ra ngaangai' no ri Nabal. Namulali' i Nabal no narualan ra pusu' saboi ngaangai' ru inan nano minatoi.